Skipper / Teknisk båtansvarleg søkest til arbeidsbåt

Tombre Drift AS søkjer ein erfaren og ansvarsbevisst skipper og teknisk båtansvarleg til våre servicebåtar. I denne rolla får du det overordna ansvaret for drift, vedlikehald og operativ bruk av to fartøy (8–15 meter) som støttar oppdrettslokalitetane våre på Vestlandet.

Arbeidsoppgåver

• Føre og drifte servicebåtane på ein sikker og profesjonell måte.
• Planleggje og koordinere dagleg bruk av båtressursane i samarbeid med koordinator og lokalitetsleiarar.
• Sikre at fartøya vert drivne i samsvar med gjeldande lover, forskrifter og interne rutinar.
• Følgje opp teknisk tilstand, vedlikehald, sertifiseringar og tekniske oppgraderingar.
• Ansvar for teknisk dokumentasjon og vedlikehaldssystem.
• Delta i maritime operasjonar som transport av utstyr, opp- og nedrigging av anlegg, fortøyingsarbeid og kranoperasjonar.
• Bidra til kontinuerleg forbetring innan HMS og kvalitet.

Kvalifikasjonar

• D6-sertifikat eller høgare dekksoffisersertifikat.
• Gyldig G20-sertifikat for fastmontert hydraulisk kran.
• Gyldig helseattest for sjøfolk og grunnleggjande sikkerheitskurs (STCW).
• ROC- eller SRC/VHF-sertifikat.
• Erfaring som skipper eller båtførar på arbeidsbåt, gjerne frå havbruk eller maritim verksemd.
• God teknisk forståing for fartøy, hydraulikk og mekaniske system.
• Gode norskkunnskapar, både skriftleg og munnleg.

Vi tilbyr

Som skipper hos Tombre Drift AS får du ei sentral nøkkelstilling i eit framtidsretta havbrukskonsern. Du får varierte og utfordrande dagar med moglegheit til å påverke utviklinga av båt- og driftsorganisasjonen. Vi tilbyr konkurransedyktige løns- og arbeidsvilkår samt gode moglegheiter for fagleg utvikling i eit sterkt fagmiljø.

Arbeidsområdet omfattar lokalitetar i Høyanger, Fedje, Samnanger, Osterøy, Kvam og Bjørnafjorden, med base i Kvam/Bjørnafjorden.