100% vikariat fagarbeidar

Sirdal kommune søkjer etter ein engasjert fagarbeidar til eit 100 % vikariat ved Tonstad skule. Stillinga inneber oppfølging av elevar både i skuletida og i skulefritidsordninga (SFO) i perioden 7. september til 31. desember 2026.

Arbeidsoppgåver

Som fagarbeidar ved Tonstad skule vil du bli ein viktig del av laget rundt elevane. Dine hovudoppgåver inkluderer:

• Oppfølging av enkeltelevar med behov for støtte i fag, struktur eller åtferd i skuletida.
• Planlegging og gjennomføring av aktivitetar i SFO.
• Deltaking i års- og månadsplanlegging for SFO i tråd med gjeldande rammeplan.
• Samarbeid med lærarar, SFO-leiar og skuleleiing.

Kvalifikasjonar

• Fagbrev innan barne- og ungdomsarbeidarfaget er ønskeleg, men anna relevant kompetanse og praksis vil bli vurdert.
• Dokumentert kompetanse i norsk, munnleg og skriftleg, tilsvarande B2-nivå.
• Godkjend politiattest må leggjast fram før tiltreding.

Personlege eigenskapar

Vi ser etter deg som er varm, tydeleg og grensesetjande i møte med barn og unge. Du må ha pågangsmot, evne til å handtere uforutsette situasjonar, og trivast med å jobbe både sjølvstendig og i team. Personlege eigenskapar vil bli tillagt stor vekt ved tilsetjing.

Vi tilbyr

Sirdal kommune tilbyr eit moderne skulebygg med gode fasilitetar og eit inkluderande arbeidsmiljø. Som tilsett får du gode velferdsordningar, inkludert tilgang til hytte og leilegheit.

Spørsmål om stillinga kan rettast til rektor Petter Røssland på telefon 971 62 627.