Miljøarbeidar - vikariat ved Voss vidaregåande skule

Voss vidaregåande skule søkjer engasjerte og tydelege miljøarbeidarar til inntil to vikariat i 89 % stilling. Arbeidet er knytt til avdeling for tilrettelagt opplæring, og du vil få ei viktig rolle i å støtte elevar med behov for tilrettelagt oppfølging i skulekvardagen.

Arbeidsoppgåver

• Delta i planlegging og oppfølging av elevar i samarbeid med lærar.
• Følgje opp enkeltelevar og grupper i undervisningssituasjonar.
• Hjelpe elevar med ulike tilretteleggingsbehov.
• Samarbeide med føresette og bidra i skulen sine aktivitetar, inkludert tur- og friluftsliv.

Kvalifikasjonar

• Du har fagbrev og erfaring frå arbeid med ungdom med ulike utfordringar.
• Relevant fagbrev innan skulen sine utdanningstilbod eller helsefagleg bakgrunn er ønskeleg.
• Du har god munnleg og skriftleg framstillingsevne på norsk.
• Det er krav om politiattest ved tilsetjing.

Personlege eigenskapar

Vi søkjer deg som er trygg, roleg og inkluderande i møte med ungdom. Du må vere kreativ, fleksibel og meistre å jobbe i ein hektisk kvardag. Det er viktig at du har særskild interesse for å kommunisere godt med elevar med særskilte behov og at du trivst med å delta på fysiske aktivitetar saman med elevane.

Vi tilbyr

• Eit nytt og moderne skulebygg.
• Utfordrande og spennande arbeidsoppgåver i eit inspirerande profesjonsfellesskap.
• Eit godt fagleg og sosialt arbeidsmiljø med eleven i fokus.
• Løn- og arbeidsvilkår i samsvar med lov- og avtaleverk og gode pensjons- og forsikringsordningar.