Vert Sogn og Fjordane kunstmuseum

Stiftinga Musea i Sogn og Fjordane søkjer to helgevertar til Sogn og Fjordane kunstmuseum i Førde. Som vert får du ei viktig rolle i å ta imot besøkande og formidle kunstopplevingar i eit av dei mest markante byggverka i byen.

Arbeidsoppgåver

Som helgevert vil du ha varierte oppgåver knytt til den daglege drifta av museet, både sjølvstendig og i samarbeid med kollegaer:

• Ta imot publikum og yte god service i resepsjonen, inkludert billettsal og telefonhandtering.
• Drifte butikk og kafé, inkludert sal og varehandtering.
• Publisere innhald i museet sine sosiale medium.
• Informere besøkande om utstillingane.
• Utføre enkle administrative oppgåver samt reinhald og skjøtsel inne og ute.

Kvalifikasjonar

• Du må vere fylt 18 år.
• Du må meistre norsk og engelsk godt, både munnleg og skriftleg.
• Du har interesse for kunsthistorie og formidling.
• Du er ansvarsbevisst, proaktiv og har god ordenssans.
• Du trivst med varierte arbeidsoppgåver og er ein god lagspelar.

Stillingane er vikariat i deltidsstillingar med oppstart frå november og utover vinteren og våren 2027. Arbeidstida følgjer vaktplan i museet si opningstid (tysdag–søndag), med behov for helgearbeid og enkelte ettermiddagar, samt moglegheit for vakter ved arrangement.

For nærare opplysningar, kontakt museumsleiar Mayra Henriquez på telefon 995 18 580 eller e-post mayhen@misf.no.