Vikariat som rettleiar ved Nav Giske

Giske kommune søkjer ein engasjert rettleiar til eit 100 % vikariat ved Nav Giske. Stillinga er ledig frå 1. oktober 2026 og varer fram til 31. oktober 2027. Som rettleiar vil du spele ei sentral rolle i å hjelpe brukarar med å finne jobbmoglegheiter og meistre kvardagen.

Arbeidsoppgåver

• Heilskapleg arbeidsretta oppfølging, rettleiing og motivering av brukarar.
• Saksbehandling og forvaltningsoppgåver etter gjeldande lovverk.
• Rådgjeving innan privatøkonomi.
• Samarbeid med næringsliv og andre aktuelle partnarar.
• Delta i bemanning av publikumsmottaket og kontoret sine fellesoppgåver.

Kvalifikasjonar

• Fullført utdanning på minimum bachelornivå, fortrinnsvis innan helse- og sosialfag eller samfunnsfag.
• Rettleiingskompetanse frå studiar eller praksis.
• Gode norskkunnskapar, minimum nivå B2.
• God digital kompetanse og evne til å setje seg inn i nye fagsystem.
• God relasjonskompetanse og evne til å skape tillit.

Vi tilbyr

Du får jobbe med meiningsfylte oppgåver i eit sterkt fagmiljø med 15 engasjerte kollegaer. Vi tilbyr fagleg og personleg utvikling, fleksitidsordning og løn etter kommunale vilkår.

Personlege eigenskapar og erfaring med arbeid i Nav vil bli vektlagt. Dokumentasjon på utdanning og praksis må leggjast ved søknaden.