Er du ein engasjert og fagleg trygg helsefagarbeidar som søkjer nye utfordringar?

Etne kommune søkjer ein engasjert og fagleg trygg helsefagarbeidar til ei 80 % fast stilling ved Etne omsorgssenter, avdeling 2. Avdelinga har 20 institusjonsplassar for korttids- og langtidsopphald, og vi ser etter deg som ønskjer å bidra til gode og trygge tenester med høg kvalitet for våre bebuarar.

Arbeidsoppgåver

• Utføre heilskapleg pleie og omsorg for bebuarane.
• Observere, dokumentere og følgje opp bebuarane sine behov og tiltak.
• Samarbeide tett med bebuarar, pårørande og tverrfaglege samarbeidspartnarar.
• Bidra til aktivitet, meistring og god livskvalitet i kvardagen.
• Delta aktivt i fagutvikling og bidra til eit godt arbeidsmiljø.

Kvalifikasjonar og eigenskapar

• Du må ha autorisasjon som helsefagarbeidar.
• Du har gode norskkunnskapar, både munnleg og skriftleg.
• Vi ser etter deg som er omsorgsfull, ansvarsbevisst og fleksibel.
• Du samarbeider godt med andre, tek initiativ og bidreg positivt til arbeidsmiljøet.
• Erfaring frå institusjon er ønskjeleg, men ikkje eit krav.

Vi tilbyr

Hos oss får du ei meiningsfull stilling i eit inkluderande arbeidsmiljø. Vi tilbyr årsturnus med høve til å påverke eigen arbeidskvardag, der du kan velje mellom ordinære vakter med arbeid kvar tredje helg eller langvakter med arbeid kvar fjerde helg. Løn og arbeidsvilkår er etter gjeldande avtaleverk.

For spørsmål om stillinga, kontakt Anita Gravelsæter Melkeraaen på telefon 40 40 94 44 eller e-post Anita.Gravelsaeter@etne.kommune.no.