Har du tid til overs og kan tenkje deg å jobbe innan helse og omsorg? Søk som tilkallingsvikar hjå oss!

Askvoll kommune søkjer no etter tilkallingsvikarar til ulike einingar innan helse og omsorg. Vi har behov for deg som ønskjer å bidra ved Askvoll omsorgssenter, heimetenesta, bu- og miljøtenesta, institusjonskjøkkenet eller innan reinhald og vaskeri.

Arbeidsoppgåver

Dine oppgåver vil variere avhengig av kva eining du vert tilsett ved:

• Helse og omsorg: Delta i pleie, omsorg og aktivitetstiltak, administrere medikament, tilberede måltid og yte bistand til daglege gjeremål.
• Institusjonskjøkken: Produksjon av mat, varemottak samt oppvask og reinhald av kjøkkenet.
• Reinhald og vaskeri: Dagleg reinhald ved omsorgssenteret og omsorgsbustadar, samt praktisk bistand i heimen til tenestemottakarar.

Kvalifikasjonar

• Du må vere fylt 16 år.
• Du må meistre norsk godt, både munnleg og skriftleg.
• Du er omsorgsfull, fleksibel og samarbeidsvillig.
• Søkjarar til heimetenesta og bu- og miljøtenesta bør ha førarkort.
• Det vert kravd framlagd politiattest før oppstart.

Vi oppmodar både unge vaksne og aktive pensjonistar til å søkje. Kvalifiserte søkjarar vert kontakta og tilsette fortløpande. Vennlegst oppgje i søknaden kva eining du er mest interessert i å jobbe ved.