Grunnskulelærar ved Måndalen skule

Måndalen barne- og ungdomsskule søkjer etter ein engasjert grunnskulelærar til ei 100 % fast stilling. Skulen er ein moderne 1.–10.-skule med rundt 100 elevar, der vi legg vekt på tett oppfølging av elevane og aktiv bruk av naturen som læringsarena.

Om stillinga

Som lærar ved Måndalen skule vil du hovudsakleg undervise på 1.–7. trinn, avhengig av din kompetanse og erfaring. Stillinga kan innebere kontaktlæraransvar. Vi ser etter ein fleksibel og løysingsorientert lærar som trivst med samarbeid på tvers av trinn og som ønskjer å bidra positivt til vårt skulemiljø.

Kvalifikasjonar

• Utdanning som grunnskulelærar (1.–7. trinn) eller allmennlærar (1.–10. trinn).
• Det er ønskjeleg med kompetanse innan spesialpedagogikk, begynneropplæring eller musikk.
• Erfaring med ASK (alternativ og supplerande kommunikasjon) og/eller teikn-til-tale vert vurdert positivt.

Vi tilbyr

• Ein oversiktleg arbeidsplass med moderne fasilitetar.
• Gode moglegheiter for fagleg utvikling og samarbeid.
• Som tilsett i Rauma kommune kan du få sletta inntil 25 000 kroner av studielånet ditt årleg.
• Lønn etter sentral hovudtariffavtale.

Tilsetjing skjer i tråd med gjeldande lovverk, og gyldig politiattest må leggjast fram før tiltreding. Søknad må sendast elektronisk via kommunen sitt søknadsskjema.

For spørsmål om stillinga, kontakt rektor Åse Helen Alnes på telefon 997 26 288 eller e-post ase.alnes@rauma.kommune.no.