Rådgjevar kyrkjefag og samfunn

Møre bispedøme søkjer ein engasjert rådgjevar til avdeling for kyrkjefag og samfunn i Molde. Som rådgjevar vil du vere ein sentral støttespelar for biskopen og bispedømerådet i deira arbeid med tilsyn, strategi og oppfølging av kyrkjelydar i bispedømet.

Arbeidsoppgåver

• Ansvar for fagfelt som diakoni, økumenikk, dialog og misjon.
• Bidra med saksførebuing, rådgjeving og kompetanseutvikling i samarbeid med prostar og kyrkjeverjer.
• Utvikle satsingsområde knytt til unge og unge vaksne, samt arbeid med kulturarv og Nasjonaljubileet 2030.
• Informasjonsarbeid og tverrfagleg samarbeid internt på bispedømekontoret.

Kvalifikasjonar

• Høgare utdanning på masternivå, fortrinnsvis innan teologi, diakoni eller kyrkjeleg undervisning. Relevant erfaring kan kompensere for utdanningskravet.
• Kunnskap om Den norske kyrkja som organisasjon, gjerne med erfaring frå frivillig arbeid.
• Gode skriftlege og munnlege formuleringsevner, med evne til å meistre nynorsk som administrasjonsspråk.
• Du må vere medlem i Den norske kyrkja.

Vi tilbyr

Vi tilbyr ei utfordrande stilling i eit godt arbeidsmiljø med gode pensjons- og forsikringsordningar gjennom KLP. Arbeidsoppgåvene vil i stor grad bli tilpassa din kompetanse og erfaring.

Har du spørsmål om stillinga, kan du kontakte avdelingsleiar Maria Vassli Gjære på telefon 915 23 568.