Sommarstudent i SFE 2026 - Bli med og utvikle den fornybare framtida

Vil du bruke studiekunnskapen din til å løyse reelle utfordringar i ei av Noregs viktigaste framtidsnæringar? SFE AS søkjer no sommarstudentar til sitt hovudkontor på Sandane for sommaren 2027.

Om sommarjobben

Som sommarstudent hos SFE får du relevant erfaring, fagleg utvikling og eit unikt innblikk i korleis vi skaper verdiar frå fornybar energi. Du vil jobbe med oppgåver som har reell betydning for organisasjonen, og du får høve til å byggje nettverk med fagpersonar på tvers av konsernet. Vi ønskjer at du skal bidra aktivt, lære og utvikle deg gjennom sommaren.

Vi har behov for studentar innan ei rekkje fagområde, inkludert:

• Ingeniørfag (elkraft, bygg, automasjon, miljø eller teknologi)
• HMS, HR og organisasjonsutvikling
• Kommunikasjon, økonomi og forretningsutvikling

Kunnskap om bruk av teknologi og kunstig intelligens (KI) er høgaktuelt for mange av våre forretningsprosessar og vil vere nyttig uansett fagområde.

Kven er du?

Vi ser etter nysgjerrige og engasjerte studentar som ønskjer å bidra med nye perspektiv. Du likar utfordringar, tek initiativ og evnar å drive deg sjølv og andre framover.

Praktisk informasjon

• Varigheit: 4–6 veker i perioden juni–august 2027. Oppgi kva veker du kan arbeide i søknaden.
• Arbeidsstad: Hovudkontoret på Sandane.
• Bustad: Vi tilbyr bustad i nærleiken av hovudkontoret for kandidatar utan tilhøyrsle til Gloppen.
• Bakgrunnssjekk: Tilsetting føreset godkjent bakgrunnssjekk og personkontroll i tråd med kraftberedskapsforskrifta.