Psykiater

Akuttpsykiatri SNR ved Helse Møre og Romsdal HF søkjer ein engasjert psykiater til ei fast 100 % stilling ved vår seksjon på Hjelset. Som overlege blir du ein sentral del av eit tverrfagleg behandlingsteam som har ansvar for akuttpsykiatriske tenester for om lag 120 000 innbyggjarar i Nordmøre og Romsdal.

Om stillinga

Seksjonen tek imot både frivillige og tvangsinnlagde pasientar, noko som gir ei brei erfaring med ulike akuttpsykiatriske problemstillingar. Arbeidsmiljøet er prega av tett samarbeid mellom spesialistar og låg terskel for tverrfaglege drøftingar. Vi har ansvar for utdanning av legar i spesialisering (LIS) og medisinstudentar, så rettleiing og undervisning er ein naturleg del av kvardagen.

Arbeidsoppgåver

• Diagnostisk utgreiing og individuell behandling.
• Kartlegging av funksjonsevne og psykisk helse.
• Tverrfagleg samarbeid, rettleiing og undervisning.
• Pårørandesamtalar og psykoedukasjon.
• Samarbeid med miljøpersonalet om miljøterapeutiske tiltak.
• Deltaking i bakvaktsordning for overlegar.

Kvalifikasjonar

• Norsk autorisasjon som lege.
• Norsk autorisasjon som psykiater, eller vere i sluttfasen av spesialisering innan psykiatri/rus.
• Gode norskkunnskapar, både munnleg og skriftleg.
• Erfaring frå undervisnings- og rettleiingsverksemd.

Vi ser etter deg som er sjølvstendig, har gode kommunikasjonsevner og trivst i eit aktivt arbeidsmiljø. Personlege eigenskapar vert vektlagde ved tilsetjing.

For spørsmål om stillinga, kontakt seksjonsleiar Ingrid Ølander på e-post: Ingrid.Olander@helse-mr.no.