100% stilling som verksemdsleiar ved Omsorgstenesten aust, Kinsarvik

Ullensvang kommune søkjer ein trygg, tydeleg og engasjert verksemdsleiar til Omsorgstenesta Aust i Kinsarvik. Dette er ei fast 100 % stilling for deg som ønskjer å kombinere dagleg drift med strategisk utvikling av framtidas omsorgstenester.

Om stillinga

Som verksemdsleiar får du det overordna ansvaret for fag, kvalitet, økonomi og personal ved Omsorgstenesta Aust, som omfattar både sjukeheim og heimebaserte tenester med om lag 60 tilsette. Du vil inngå i kommunalsjefen si leiargruppe og spele ei sentral rolle i realiseringa av nye Bråvolltunet, der du får påverke både organisering og tenestemodellar.

Arbeidsoppgåver

• Leie verksemda saman med avdelingsleiarar og sikre forsvarlege tenester.
• Arbeide systematisk med pasienttryggleik, kvalitet og kontinuerleg forbetring.
• Sikre god økonomistyring og effektiv ressursbruk.
• Strategisk arbeid med rekruttering, kompetanseutvikling og sterke fagmiljø.
• Samhandle med brukarar, pårørande og eksterne samarbeidspartnarar.

Kvalifikasjonar

• Relevant høgare utdanning, fortrinnsvis innan helse- og omsorgsfag.
• Relevant leiarerfaring med god forståing for økonomi, drift og personalleiing.
• Kjennskap til kommunale helse- og omsorgstenester og relevant lovverk.
• Gode norskkunnskapar, både skriftleg og munnleg, samt god digital kompetanse.

Vi ser etter ein leiar som evnar å skape engasjement, byggje tillit og tenkje heilskapleg. Personlege eigenskapar og leiareigenskapar vil bli tillagde stor vekt.

Ullensvang kommune tilbyr ei sentral leiarstilling med stort handlingsrom, gode moglegheiter for fagleg utvikling og deltaking i eit spennande utviklingsarbeid. Kommunen er også omfatta av ordninga for sletting av utdanningsgjeld.