Ledig fastlegeheimel på nyoppretta fastlegekontor

Austevoll kommune lyser ut ein ledig fastlegeheimel ved eit nyoppretta legekontor i Bekkjarvik. Dette er ein 0-heimel for næringsdrivande lege med ei liste på inntil 1000 pasientar, og kommunen er open for ulike organisasjonsformer som fellesliste eller rotasjonsordning.

Om stillinga

Legekontoret skal etablerast i lokale ved Bekkjarvik Torg. Som næringsdrivande lege inngår du avtale direkte med utleigar for lokale og utstyr, og kommunen har ikkje ansvar for drift eller tilsette ved kontoret. Heimelen inneber pliktig deltaking i kommunal legevakt og deltaking i andre offentlege oppgåver i tråd med fastlegeforskrifta.

Kvalifikasjonar

• Norsk autorisasjon som lege med minimum fullført LIS1.
• Som hovudregel krav om gyldig spesialitet i allmennmedisin.
• Gode norskkunnskapar, både munnleg og skriftleg.
• Førarkort klasse B.
• Plettfri vandel (politiattest må leggjast fram ved tilsetjing).

Vi søkjer deg som

Vi ser etter ein engasjert og fagleg trygg lege med gode samarbeidsevner. Du bør ha eit heilskapleg syn på fastlegetenesta, vere løysingsorientert og ha motivasjon for å utvikle eit godt fastlegetilbod i Bekkjarvik. Interesse for akuttmedisin og legevakt vert vektlagt.

Vi tilbyr

Som fastlege i Austevoll får du ein 0-heimel som er kostnadsfri å erverve. Kommunen tilbyr eit meiningsfylt arbeid i ein aktiv kommune. Merk at du som busett i Austevoll kan få sletta inntil 25 000 kroner av studielånet ditt årleg.