Ledig fastlegeheimel på nyoppretta fastlegekontor 

Austevoll kommune lyser ut ein ledig fastlegeheimel ved eit nyoppretta fastlegekontor i Bekkjarvik. Dette er ein 0-heimel som gir moglegheit for å forme ein ny solopraksis, med ei pasientliste på inntil 1000 pasientar.

Om stillinga

Som næringsdrivande fastlege vil du ha ansvar for eiga liste og delta i kommunal legevakt. Kommunen er open for å vurdere ulike organisasjonsformer, inkludert fellesliste eller rotasjonsordning (Nordsjøturnus). Arbeidet inneber:

• Ansvar for pasientoppfølging og drift av kontoret i tråd med fastlegeforskrifta.
• Deltaking i daglegevakt og 7-delt kommunal legevakt.
• Bidra i kommunale samarbeidsorgan og utføre offentlege legeoppgåver.
• Sikre god tilgjengelegheit og opningstider for pasientane.

Kvalifikasjonar

• Norsk autorisasjon som lege med fullført LIS1.
• Som hovudregel gyldig spesialitet i allmennmedisin.
• Gode munnlege og skriftlege norskkunnskapar.
• Førarkort klasse B.
• Plettfri vandel og framvising av politiattest.

Personlege eigenskapar

Vi søkjer ein fagleg trygg og engasjert lege med gode samarbeidsevner. Du er løysingsorientert, pliktoppfyllande og har eit heilskapleg syn på fastlegetenesta si rolle i primærhelsetenesta. Interesse for akuttmedisin og legevaktarbeid vil bli vektlagt.

Vi tilbyr

Avtale som næringsdrivande lege etter vilkåra i ASA 4310. Sidan dette er ein 0-heimel, er den kostnadsfri å erverve. Du får moglegheit til å vere med på å utvikle eit nytt og velfungerande fastlegetilbod i Austevoll kommune.