Overingeniør/teknisk utgreiar

Møre og Romsdal jordskifterett søkjer ein engasjert overingeniør/teknisk utgreiar til ei fast 100 % stilling ved vårt kontor i Surnadal. Som ein del av Noregs domstolar vil du spele ei viktig rolle i samfunnet sitt arbeid med konfliktløysing innan eigedomsfag og landmåling.

Arbeidsoppgåver

Stillinga inneber ei variert blanding av kontorarbeid og feltarbeid. Hovudoppgåvene inkluderer:

• Teknisk saksførebuing, planlegging og utgreiing i samarbeid med dommar.
• Innmåling, utsetting, merking av grenser og utarbeiding av grensebeskrivingar.
• GIS-arbeid og utarbeiding av digitale kart.
• Gjennomføring av befaringar og teknisk arbeid i felt, inkludert droneopptak.
• Verdsetjing og bonitering av areal.

Kvalifikasjonar

Vi søkjer deg som har ei relevant utdanning og interesse for jordskiftefaget. Nyutdanna kandidatar er særleg velkomne til å søkje.

• 3-årig høgskuleutdanning innan landmåling og eigedomsdesign, eller anna relevant utdanning (t.d. GIS, kartfag, eigedomsfag eller skogfag).
• God forståing for landmåling, GIS, tingsrett og eigedomsfag.
• Gode ferdigheiter i bruk av digitale verktøy.
• Førerkort for bil er eit krav.
• Normalt god fysisk helse for feltarbeid i krevjande terreng.
• Du må kunne kommunisere godt på norsk, både munnleg og skriftleg.

Vi tilbyr

• Ei variert og utfordrande stilling i eit godt arbeidsmiljø med kompetente kollegaer.
• Gode moglegheiter for fagleg utvikling og deltaking på nasjonale fagsamlingar.
• Fleksible ordningar for fri, avspasering og trening i arbeidstid.
• Lønn etter Hovudtariffavtalane i staten og gode pensjonsvilkår i Statens pensjonskasse.