Stabsjef

Solund kommune søkjer ein engasjert stabsjef til kommunedirektøren sin stab i Hardbakke. Som stabsjef får du ei sentral rolle i både dagleg drift og strategisk utvikling av kommunen, og du vil fungere som stadfortredar for kommunedirektøren.

Om stillinga

Du får ansvar for sentraliserte stabsfunksjonar som økonomi, arkiv, personal, IKT, politisk sekretariat, bustad og beredskap. Du vert ein del av kommunedirektøren si leiargruppe og skal leie og vidareutvikle staben.

Sentrale arbeidsoppgåver

• Organisere og vidareutvikle stabsfunksjonane.
• Personal- og økonomiansvar for staben.
• Førebu og følgje opp saker til politisk handsaming.
• Sakshandsaming innanfor ulike særlover og ordningar.
• Administrere IKT-system og delta i interkommunale samarbeid.

Vi tilbyr

• Varierte arbeidsoppgåver i ein kommune i utvikling.
• Løn etter avtale og god offentleg tenestepensjon gjennom KLP.
• Moglegheit for sletting av studielån gjennom Lånekassen si ordning for distriktskommunar.
• Eit unikt øyrike med gode moglegheiter for friluftsliv og eit aktivt lokalmiljø.

For spørsmål om stillinga, ta kontakt med kommunedirektør Jens-Eivind Kobbeltvedt på telefon 958 14 300.