Vil DU vere med på å utforme framtida si helseteneste i Ål kommune?

Ål kommune søkjer ein fagleg engasjert og utviklingsorientert medarbeidar til ei kombinasjonsstilling ved Avdeling Meistring. Stillinga er eit 100 % engasjement med varigheit på eitt år, fordelt på 50 % som ergoterapeut og 50 % som prosjektleiar innan e-helse og digital heimeoppfølging (DHO).

Om stillinga

Som ergoterapeut vil du arbeide med kvardagsrehabilitering, hjelpemiddelformidling og oppfølging av brukarar. I rolla som prosjektleiar skal du leie arbeidet med å etablere digital heimeoppfølging, sikre brukarmedverknad og rettleie tilsette i bruk av velferdsteknologi. Dette er ei unik moglegheit til å kombinere klinisk arbeid med strategisk utvikling i eit tverrfagleg miljø.

Arbeidsoppgåver

• Ergoterapeut: Kvardagsrehabilitering, kartlegging av funksjonsnivå, hjelpemiddelformidling og rettleiing til brukarar og pårørande.
• Prosjektleiar: Planlegging og gjennomføring av DHO-prosjekt, risikovurdering, evaluering av gevinstar og opplæring av personell i nye teknologiske løysingar.

Vi tilbyr

• Ei variert stilling med stor påverknadskraft på framtidas helsetenester i Ål.
• Eit tverrfagleg og engasjert arbeidsmiljø med høg fagleg kompetanse.
• Gode moglegheiter for fagleg påfyll og vidareutdanning.
• Lønn etter gjeldande tariffavtale og gode pensjonsordningar.

Intervju og tilsetting kan skje fortløpande i søknadsperioden. Politiattest må leggjast fram ved tilsetting.