Lege i spesialisering patologi

Avdeling for patologi ved Helse Møre og Romsdal HF i Ålesund søkjer etter to nye legar i spesialisering (LIS) i patologi. Vi ser etter deg som ønskjer å jobbe i eit fagmiljø prega av høg kvalitet, effektiv prøveflyt og eit godt arbeidsmiljø.

Om stillingane

Dette er to faste 100 % stillingar med oppstart 01.03.2027. Avdelinga tilbyr utelukkande dagarbeid utan turnus. Vi legg til rette for fagleg utvikling og deltaking på relevante kurs, og avdelinga er godkjend for LIS-utdanning i patologi. LIS med kort tid att til spesialisering vert særskilt oppmoda til å søkje.

Arbeidsoppgåver

• Diagnostikk av biopsiar, operasjonspreparat og cytologiske prøver.
• Obduksjonsarbeid.

Kvalifikasjonar

• Norsk autorisasjon som lege.
• Godkjend LIS1 eller turnusteneste etter gammal ordning.
• Gode norskkunnskapar, både munnleg og skriftleg.
• Fagleg interesse og kompetanse innan patologi.

Personlege eigenskapar

Vi søkjer deg som er motivert for å bidra til utviklinga av fagmiljøet og som ønskjer å skape ei framifrå helseteneste. Du må ha gode samarbeidsevner, evne til å arbeide sjølvstendig og stor arbeidskapasitet. Vi legg vekt på personlege eigenskapar ved tilsetjing.

Vi tilbyr

• Eit sterkt tverrfagleg samarbeid i eit inkluderande arbeidsmiljø.
• Løn etter gjeldande overeinskomstar.
• Medlemskap i god offentleg pensjonsordning og fordelaktige forsikringsvilkår.

For spørsmål om stillinga, kontakt avdelingssjef Hilde Guttormsen på telefon 70 10 66 37 eller e-post hilde.guttormsen@helse-mr.no.