Vil du vere med og gjere tunellane våre tryggare?

Vestland fylkeskommune søkjer ein engasjert ingeniør til ei kombinert rolle som praktisk tunellforvaltar og brannvernleiar. Som ein del av avdelinga for Vedlikehald, Drift og Beredskap (VDB), vil du spele ei nøkkelrolle i å sikre at fylket sine mange tunellar blir følgde opp på ein trygg og systematisk måte.

Arbeidsoppgåver

I denne stillinga vil du jobbe tett med tunellsikkerheit og beredskap. Arbeidskvardagen vil variere mellom praktisk tunellforvaltning og brannvern, der du mellom anna skal:

• Følgje opp tilstand, avvik, risikoanalysar og tiltaksplanar.
• Deltage på tunellinspeksjonar og handtere faglege problemstillingar.
• Bidra til dokumentasjon og rapportering i system som Trygg Tunnel.
• Planleggje og følgje opp brannøvingar, branntilsyn og samarbeid med brannvesenet.
• Følgje opp beredskapsplanar, brannteknisk utstyr og rutinar for eigenkontroll.

Kvalifikasjonar

• Relevant høgare utdanning på bachelor- eller masternivå.
• God teknisk forståing og interesse for sikkerheit, risiko og beredskap.
• Gode digitale ferdigheiter og evne til å arbeide systematisk.
• Gode norskkunnskapar, både skriftleg og munnleg.
• Førarkort klasse B.

Erfaring frå veg, teknisk infrastruktur, drift og vedlikehald eller andre sikkerheitskritiske miljø er ein fordel, men vi legg vekt på motivasjon for å lære tunellfaget.

Vi tilbyr

Du får ei fagleg utfordrande rolle med stor samfunnsnytte i eit sterkt fagmiljø. Vestland fylkeskommune tilbyr fleksibel arbeidstid, moglegheit for heimekontor, gode pensjons- og forsikringsordningar, samt løn etter avtale. Kontorstad kan vere Leikanger, Bergen eller Førde.