Fast helgestilling - Habiliteringstenesta

Fast helgestilling i Habiliteringstenesta i Alver kommune

Alver kommune søkjer etter assistentar til faste helgestillingar i Habiliteringstenesta. Som tilsett hos oss blir du ein del av eit tverrfagleg team beståande av helsefagarbeidarar, sjukepleiarar, miljøterapeuter og andre fagpersonar som saman jobbar for å gi tenestemottakarane trygge og gode dagar.

Arbeidsoppgåver

• Skape føreseielegheit, tryggleik og struktur for tenestemottakarane.
• Yte praktisk hjelp og bistand i kvardagen.
• Samarbeide med andre instansar ved behov.
• Dokumentere arbeid i fagsystemet Profil.
• Ivareta vedtak etter kapittel 9.

Kvalifikasjonar og eigenskapar

Vi ser etter deg som har erfaring frå tilsvarande arbeid, eller som er under utdanning innan helse- og omsorgsfag. Dersom du ikkje har erfaring, men har eit sterkt engasjement for faget, oppmodar vi deg likevel til å søkje.

• Du er omsorgsfull, påliteleg og løysingsorientert.
• Du har gode kommunikasjonsevner og trivst med samarbeid.
• Du er fleksibel, roleg og handterer stressande situasjonar på ein god måte.
• Du bidrar aktivt til læringskultur og er positiv til bruk av ny teknologi.

Vi tilbyr

Som tilsett i Alver kommune blir du ein del av ein organisasjon i læring der fagleg og personleg utvikling står sentralt. Vi nyttar moderne verktøy som Teams for informasjonsflyt og legg til rette for at du kan utvikle deg i takt med endringar i tenesta.

Det vert stilt krav om tilfredsstillande politiattest ved tiltrede i tråd med helse- og omsorgstenestelova § 5-4.