Nærings- og samfunnsutviklar

Ulvik herad søkjer ein engasjert nærings- og samfunnsutviklar som vil få ei sentral rolle i å styrkja lokalsamfunnet, næringslivet og reiselivet i kommunen. Som vår nye medarbeidar vil du arbeida i skjæringspunktet mellom offentleg forvaltning, næringsliv og innbyggjarar for å skapa berekraftig vekst.

Arbeidsoppgåver

• Vera kommunen sitt kontaktpunkt for næringsliv og etablerarar.
• Utvikla og fylgja opp strategiar og prosjekt innan næringsutvikling, reiseliv og samfunnsutvikling.
• Søkja om og forvalta tilskotsordningar og prosjektmidlar.
• Samarbeida tett med lokalt næringsliv, destinasjonsselskap og regionale aktørar.
• Koordinera tiltak for attraktive bumiljø, sentrumsutvikling og tilflytting.
• Utarbeida saksframlegg til politisk handsaming og fylgja opp vedtak.
• Ha overordna ansvar for Cittaslow-arbeidet og turistkontoret.

Kvalifikasjonar

• Relevant høgare utdanning innan samfunnsutvikling, næringsutvikling, økonomi, leiing eller reiseliv.
• Erfaring frå prosjektleiing, utviklingsarbeid eller offentleg forvaltning.
• Erfaring med søknader om tilskotsmidlar og prosjektfinansiering.
• God skriftleg og munnleg framstillingsevne på norsk og engelsk.
• Førarkort klasse B.

Me tilbyr

Me tilbyr ei spennande og variert stilling med stor påverknad på utviklinga av kommunen. Du får jobba i eit hyggeleg fagmiljø med gode utviklingsmoglegheiter. Ulvik herad kan vera behjelpelege med bustad og barnehageplass, og som tilsett kan du få sletta delar av studielånet ditt.