Me har ledig stilling som nærings- og samfunnsutviklar!

Ulvik herad søkjer ein engasjert og utviklingsorientert nærings- og samfunnsutviklar til ei sentral rolle i kommunen. Som vår nye medarbeidar vil du arbeida i skjæringspunktet mellom offentleg forvaltning, lokalt næringsliv og innbyggjarar for å skapa berekraftig vekst og attraktive lokalsamfunn.

Arbeidsoppgåver

• Vera kommunen sitt kontaktpunkt for næringsliv og etablerarar.
• Utvikla og fylgja opp strategiar innan næringsutvikling, reiseliv og samfunnsutvikling.
• Søkja om og forvalta tilskotsordningar og prosjektmidlar.
• Koordinera tiltak for sentrumsutvikling, tilflytting og attraktive bumiljø.
• Samarbeida tett med destinasjonsselskap, regionale aktørar og offentlege myndigheiter.
• Utarbeida saksframlegg til politisk handsaming og fylgja opp vedtak.
• Ha overordna ansvar for Cittaslow-arbeidet og turistkontoret.

Kvalifikasjonar

• Relevant høgare utdanning innan samfunnsutvikling, næringsutvikling, økonomi, leiing eller reiseliv.
• Erfaring frå prosjektleiing, utviklingsarbeid eller offentleg forvaltning.
• Erfaring med søknadsprosessar for tilskotsmidlar og prosjektfinansiering.
• God skriftleg og munnleg framstillingsevne på norsk og engelsk.
• Førarkort klasse B.

Me tilbyr

• Ei variert stilling med stor påverknad på utviklinga i Ulvik.
• Eit spennande fagmiljø med gode moglegheiter for fagleg utvikling.
• Gode pensjons- og forsikringsordningar.
• Hjelp til bustad og barnehageplass ved behov.
• Moglegheit for sletting av studielån gjennom statlege ordningar.