Avdelingsleiar - 100% fast

Helse og meistring i Vinje kommune søkjer ein engasjert avdelingsleiar i 100 % fast stilling. Som leiar for avdeling for personar med funksjonsnedsetting får du ansvar for eit tverrfagleg miljø med om lag 40 medarbeidarar, inkludert Svingen bufellesskap og avlastingstilbodet på Reini.

Om rolla

Du vil få ei sentral rolle i å vidareutvikle tenestene våre med fokus på meistring, inkludering og sjølvråderett. Som ein del av verksemda Miljøterapi og helsetenester inngår du i eit støttande leiarteam der du får god oppfølging frå verksemdsleiar og administrative støttefunksjonar.

Arbeidsoppgåver

• Leie, motivere og følgje opp medarbeidarar i det daglege.
• Sikre god bemanning, drift og ressursbruk innan vedtekne rammer.
• Ansvar for HMS, inkludert arbeidsmiljø og oppfølging av sjukefråvær.
• Samarbeide med brukarar, pårørande og eksterne partar.
• Budsjett- og økonomiansvar for avdelinga.

Kvalifikasjonar

• Relevant utdanning på minimum bachelornivå.
• Erfaring frå helse- og omsorgstenester, gjerne knytt til funksjonsnedsetting.
• Leiarerfaring med personal-, fag- og økonomiansvar.
• God forståing for turnus, bemanning og ressursstyring.
• Førarkort klasse B.

Vi ser etter ein trygg og relasjonell leiar som evnar å byggje tillit og skape engasjement. Dersom du manglar formell leiarerfaring eller utdanning, forventar vi motivasjon for å tileigne deg denne kompetansen.

Vi tilbyr

• Ei meiningsfull leiarrolle med gode utviklingsmoglegheiter.
• Konkurransedyktige lønsvilkår med ei årsløn på kr 886 000.
• Gode pensjons- og forsikringsordningar.
• Mentorordning og tilpassa opplæring for ein trygg start.