Samhandlingsrådgivar (prosessleiar/coach)

Statens vegvesen søkjer ein engasjert samhandlingsrådgivar til ei rolle som prosessleiar og coach. I denne stillinga får du moglegheita til å jobbe tett på nokre av dei største vegprosjekta i landet, der du skal bidra til å styrkje samarbeidet mellom byggherre og entreprenør.

Arbeidsoppgåver

• Forme, planleggje og leie prosessar som styrkjer samhandlinga mellom partane i prosjekta.
• Gjennomføre samlingar, workshops og møte for å optimalisere samarbeidet og førebyggje konfliktar.
• Bistå prosjektorganisasjonar, stabar og team med organisasjonsutvikling ved behov.

Kvalifikasjonar

• Fullført utdanning på bachelor- eller høgskulenivå (lang og relevant erfaring kan kompensere for utdanningskravet).
• Solid erfaring med å planleggje, designe og leie prosessar med menneske og team.
• Førarkort klasse B.
• God munnleg og skriftleg framstillingsevne på norsk.
• Det er ein stor fordel med sertifisering innan coaching og erfaring med konflikthandtering.

Vi tilbyr

Som tilsett i Statens vegvesen blir du ein del av eit solid fagmiljø med gode moglegheiter for fagleg og personleg utvikling. Vi tilbyr fleksitid, gode pensjons- og låneordningar, samt moglegheit for trening i arbeidstida. Arbeidsstad er Bergen, men andre lokasjonar kan vurderast for spesielt kvalifiserte søkjarar. Noko reiseverksemd må påreknast.