Har du plass til èin til?

Vil du gjere ein forskjell som privat avlastar?

Giske kommune søkjer ein trygg, omsorgsfull og engasjert privat avlastar for eit barn. Som avlastar opnar du heimen din for eit barn som treng ein stabil vaksen, samstundes som du gir familien nødvendig avlasting i kvardagen.

Om oppdraget

Oppdraget inneber avlasting i din eigen heim, primært ei helg per månad frå fredag til søndag. På sikt kan det også bli aktuelt med ein ettermiddag per veke. Dette er ei 25 % stilling som passar for deg som ønskjer eit meiningsfullt oppdrag over tid.

Vi ser etter deg som:

• Har kompetanse eller erfaring innan helse, sosial eller pedagogiske fag.
• Er ein trygg, stabil, tålmodig og omsorgsfull vaksen.
• Har plass og overskot til å inkludere eit barn i heimen din.
• Ønskjer å bidra til meistring og gode opplevingar for barnet.

Vi tilbyr:

• Lønn og vilkår etter gjeldande avtalar, inkludert utgiftsdekning.
• Rettleiing ved behov.
• Eit viktig og meiningsfullt oppdrag der du betyr mykje for barnet og familien.

Det er krav om gode munnlege norskkunnskapar og gyldig politiattest av ny dato. Ta gjerne kontakt med stabsleiar Merethe Kristin Våge på telefon 900 80 293 for ein uforpliktande prat om oppdraget.