Kontaktperson 100% vikariat, barneverntenesta

Øygarden kommune søkjer ein engasjert kontaktperson til eit 100 % vikariat i barnevernstenesta. Stillinga er for tida plassert i team undersøking og varer fram til 31. august 2027.

Som kontaktperson vil du få ei viktig rolle i å sikre gode og forsvarlege tenester for barn, unge og familiar. Barnevernstenesta i Øygarden arbeider etter ein systemisk modell, ofte kalla «Landsbymodellen», der samarbeid og barnet sine behov står i sentrum.

Arbeidsoppgåver

• Sakshandsaming etter barnevernslova.
• Gjennomføre undersøkingar og gjere barnevernfaglege vurderingar.
• Samarbeide med barn, foreldre, nettverk og andre kommunale tenester.
• Utarbeide vedtak, rapportar og anna skriftleg dokumentasjon.
• Førebu og føre saker for Barneverns- og helsenemnda ved behov.
• Bidra aktivt i fag- og utviklingsarbeidet i tenesta.

Kvalifikasjonar

• Bachelor i barnevern eller sosialt arbeid (studentar i siste studieår kan også søkje).
• Anna relevant høgare utdanning kan vurderast.
• God munnleg og skriftleg framstillingsevne på norsk.
• Førarkort klasse B.
• Gyldig politiattest må leggjast fram før oppstart.

Vi tilbyr

• Eit meiningsfullt samfunnsoppdrag i eit sterkt fagmiljø.
• Systematisk fagleg rettleiing og støtte.
• Varierte og utfordrande arbeidsoppgåver.
• Fleksitidsordning og gode pensjons- og forsikringsordningar.