DigdirCamp 2027

Digitaliseringsdirektoratet (Digdir) inviterer IT-studentar til sommarjobb gjennom DigdirCamp 2027 i Leikanger. Dette er ein unik moglegheit for deg som ønskjer å bruke kunnskapen din til å løyse viktige samfunnsoppgåver i eit profesjonelt utviklingsmiljø.

Om sommarjobben

Som deltakar på DigdirCamp får du jobbe tett saman med erfarne utviklarar med å tilpasse og utvikle digitale tenester for offentleg sektor. Du vil inngå i eit team med andre studentar, der de saman løyser konkrete programmeringsoppgåver gjennom sommaren. Arbeidsperioden strekkjer seg frå midten av juni til midten av august 2027.

Vi tilbyr

• Timeløn som svarer til ei årsløn på kr 560 000.
• Eit spennande arbeidsfellesskap med erfarne medarbeidarar og andre IT-studentar.
• Bustad i Sogndal sentrum, der Digdir dekker delar av kostnadene.
• Deltaking i Sognacamp med sosiale aktivitetar, utfluktar og nettverksbygging.
• Gode moglegheiter for friluftsliv i vakre omgjevnader og tilgang til kantine.

Kvalifikasjonar

• Du er student innan informatikk eller systemutvikling.
• Du meistrar norsk som arbeidsspråk.
• Du må kunne delta i den oppsette arbeidsperioden.

I søknaden din må du opplyse om kva utdanning du tek, kor langt du er komen, og om du ønskjer felles innkvartering. Hugs å leggje ved karakterutskrift frå Vitnemålsportalen.