Psykologspesialist

Psykologspesialist ved Førde BUP

Helse Førde søkjer ein psykologspesialist til ei 100 % fast stilling ved Førde BUP. Poliklinikken er ein del av Psykisk helsevern for barn og unge (PBU) og held til i Dagabygget i Førde. Som tilsett her blir du ein del av eit stort og tverrfagleg fagmiljø med høg kompetanse som yter tenester til barn, unge og familiar i åtte kommunar.

Arbeidsoppgåver

• Utgreiing, diagnostisering og behandling av psykiske lidingar hos barn og unge, med primær vekt på nevrofeltet.
• Samarbeid med førstelina og andre instansar i spesialisthelsetenesta for å sikre eit heilskapleg helsetilbod.
• Deltaking i interne og eksterne møter, undervising, fagutvikling og rettleiing.

Kvalifikasjonar og eigenskapar

Vi søkjer deg som er autorisert psykologspesialist eller psykolog med klinisk erfaring. Det er ein fordel om du har erfaring frå barne- og ungdomspsykiatri, samt utgreiing og behandling av nevroutviklingsforstyrringar. Du må ha god skriftleg og munnleg framstillingsevne på norsk.

Som person er du strukturert, målretta og har god arbeidskapasitet. Du evnar å møte barn, unge og foreldre på ein trygg måte, og du trivst med å samarbeide tverrfagleg.

Vi tilbyr

• Lønn i samsvar med gjeldande overeinskomst.
• Gode pensjons- og forsikringsordningar.
• Eit godt og ivaretakande arbeidsmiljø med varierte og utfordrande arbeidsoppgåver.

Den som får tilbod om stillinga må leggje fram tilfredsstillande politiattest, ikkje eldre enn tre månader.