Prosjektleiar formidlingsarbeid

Ørsta vidaregåande skule søkjer ein engasjert og utviklingsorientert prosjektleiar til eit tidsavgrensa utviklingsprosjekt finansiert gjennom Samfunnskontrakten for fleire læreplassar. Prosjektet varer fram til juli 2029 og har som mål å utvikle ein heilskapleg modell for karriererettleiing og overgangar frå ungdomsskule til arbeidsliv på Søre Sunnmøre.

Om rolla

Som prosjektleiar får du ei sentral rolle i utviklinga av framtidas yrkesfaglege opplæring. Du skal fungere som eit bindeledd mellom ungdomsskular, vidaregåande skule, bedrifter, kommunale arbeidsplassar og opplæringskontor. Målet er at fleire elevar skal gjere gode utdanningsval, bli kvalifiserte for læreplass og få ein god overgang til arbeidslivet.

Arbeidsoppgåver

• Utvikle og koordinere ei samanhengande karriereløype frå 8. trinn til fagbrev.
• Skape tettare samarbeid mellom utdanningsarenaer og arbeidslivet.
• Vidareutvikle faget Yrkesfagleg fordjuping (YFF) og lokale læreplanar.
• Planleggje og gjennomføre karrieretiltak som Karrieredagar og hospitering.
• Sikre framdrift, evaluering og rapportering i prosjektet.
• Bidra til kompetanseheving for lærarar, bedrifter og føresette.

Kvalifikasjonar

• Erfaring frå opplæring, karriererettleiing eller fag- og yrkesopplæring.
• Erfaring med utviklings- eller prosjektarbeid.
• God forståing for samanhengen mellom utdanning, kompetansebehov og arbeidsliv.
• Gode samarbeids- og kommunikasjonsevner.
• Undervisningskompetanse innan eitt av skulen sine programområde er ønskeleg.

Vi tilbyr

Du får ei innhaldsrik og samfunnsviktig stilling med stor påverknadskraft i ein spennande utviklingsperiode for Ørsta vidaregåande skule. Vi tilbyr løn etter avtale, gode pensjons- og forsikringsordningar, og moglegheita til å forme framtidas samarbeid mellom skule og næringsliv på Søre Sunnmøre.