Vil du vere med og finne gode løysingar for landbruket i Bjørnafjorden, Tysnes og Samnanger?

Bjørnafjorden landbrukskontor søkjer ein engasjert og sjølvstendig rådgjevar til eit 60 % vikariat i eitt år, med moglegheit for forlenging. Som rådgjevar vil du jobbe med landbruksforvaltning for kommunane Bjørnafjorden, Tysnes og Samnanger, og bidra til gode løysingar for landbruksnæringa i regionen.

Arbeidsoppgåver

Du vil få ein variert arbeidskvardag med oppgåver knytt til forvaltning av landbruksressursar, inkludert:

• Sakshandsaming etter jordlova og anna relevant landbrukslovgiving.
• Faglege vurderingar og uttalar i plan- og byggjesaker.
• Rettleiing og dialog med bønder, grunneigarar og andre aktørar.
• Andre relevante oppgåver innan landbruksforvaltning basert på kompetanse og behov.

Kvalifikasjonar

• Relevant høgare utdanning på minimum bachelornivå, gjerne innan landbruksfag eller juridiske fag.
• God skriftleg og munnleg framstillingsevne på norsk.
• Førarkort klasse B og tilgang til eigen bil.
• Det er ein fordel med kjennskap til landbrukslovgiving, tilskotsforvaltning eller erfaring frå offentleg sakshandsaming.

Vi tilbyr

Hos oss blir du ein del av eit inkluderande og kompetent fagmiljø med korte avgjerdsvegar. Vi tilbyr ein meiningsfull jobb med stor breidde i arbeidsoppgåvene, fleksibel arbeidstid og gode moglegheiter for fagleg utvikling. Arbeidsstad er Os eller Eikelandsosen etter nærare avtale.