Vil du bli vår nye sjukepleiar?

Kirurgisk post ved Haugesund Sjukehus søkjer no ein engasjert sjukepleiar til eit 100 % vikariat med oppstart 1. januar 2027. Som sjukepleiar hos oss får du ein variert arbeidskvardag med pasientar innan fagfelt som kar- og thoraxkirurgi, brystkirurgi, thyroideakirurgi, brannskadar og generell kirurgi.

Om stillinga

Sengeposten har 8 senger og eit sterkt tverrfagleg miljø med tett tilknyting til poliklinikkane. Vi nyttar stille rapport og delt gruppe for å sikre kontinuitet og fagleg ansvar i pasientoppfølginga. Arbeidet inneber tredelt turnus, og vi har også ansvar for gynekologiske pasientar i helgar, høgtider og ferieperiodar.

Arbeidsoppgåver

• Utføre sjukepleiefaglege oppgåver og prosedyrer.
• Samhandle tett med legar og andre faggrupper for å sikre gode pasientforløp.
• Ta ansvar for eigne pasientar gjennom vakta.

Kvalifikasjonar

• Du er autorisert sjukepleiar.
• Du har gode norskkunnskapar, både munnleg og skriftleg.
• Kjennskap til elektroniske pasientjournalsystem som Dips og Meona er ein fordel.
• Erfaring med sårstell er ønskeleg, men ikkje eit krav.

Vi ser etter deg som

Vi søkjer ein person som er ryddig, strukturert og trivst i eit aktivt miljø. Du må kunne arbeide sjølvstendig, ha gode samarbeidsevner og bidra positivt til arbeidsmiljøet. Personlege eigenskapar vil bli vektlagde i vurderinga.

Vi tilbyr

• Ein variert arbeidskvardag med brei fagleg erfaring.
• Eit trygt og støttande arbeidsmiljø.
• God opplæring tilpassa ditt erfaringsnivå.
• Gode moglegheiter for fagleg utvikling.