Vil du utvikle deg vidare innan rekneskap og rådgjeving?

Econ Sunnfjord søkjer ein engasjert rekneskapsførar til vårt kontor i Førde. Som ein del av Econ Alliansen kombinerer vi lokal tilhøyrsle med moderne teknologi og eit sterkt nasjonalt fagmiljø. Vi er i vekst og ser etter deg som ønskjer å utvikle deg vidare innan rekneskap og økonomisk rådgiving.

Arbeidsoppgåver

Du vil få ansvar for eigen kundeportefølje og følgje kundane tett gjennom ulike fasar. Arbeidsoppgåvene inkluderer:

• Ansvar for eigen kundeportefølje, inkludert årsoppgjersarbeid.
• Rådgiving og konsulentarbeid innan økonomi og rekneskap.
• Løpande rekneskapsføring, lønn og fakturering.
• Avstemming og rapportering.
• Oppfølging og rettleiing av kundar.

Kvalifikasjonar

Vi ser etter deg som har relevant utdanning og erfaring, og som kan gå rett inn i produksjon. Det er ein fordel om du er statsautorisert rekneskapsførar, men dette er ikkje eit krav.

• Relevant utdanning og arbeidserfaring innan rekneskap.
• Erfaring med økonomisk rådgiving.
• God IT-forståing og interesse for digitale verktøy.
• Gode kommunikasjons- og samarbeidsevner.
• Evne til å jobbe sjølvstendig og nøyaktig.

Vi tilbyr

Hos Econ Sunnfjord blir du ein del av eit samansveisa miljø med fokus på fagleg utvikling og trivsel. Vi tilbyr konkurransedyktige vilkår, gode pensjons- og forsikringsordningar, samt tilgang til moderne fagsystem. Du får fridom i kvardagen og moglegheit til å påverke eigen arbeidskvardag i eit selskap i vekst.

Har du spørsmål om stillinga, kan du kontakte dagleg leiar Kim Frode Solheim på telefon 95 07 16 77.