Prosjektleiar for 350-årsjubileet til Baroniet Rosendal?

Baroniet Rosendal søkjer ein engasjert og strukturert prosjektleiar for å planleggja og gjennomføra 350-årsjubileet i 2028. Som prosjektleiar får du ei sentral rolle i å utvikla eit innhaldsrikt jubileumsår som løftar fram historia til Noregs einaste baroni og inviterer til brei deltaking frå lokalsamfunnet, regionen og internasjonale samarbeidspartnarar.

Arbeidsoppgåver

• Utarbeida heilskapleg prosjektplan med mål, framdrift, budsjett og finansiering.
• Utvikla eit variert jubileumsprogram med lokal, regional og nasjonal relevans.
• Arbeida med tilskotssøknader, sponsoravtalar og ekstern støtte.
• Koordinera hovudmarkeringar og større arrangement i 2028.
• Bidra til kommunikasjon og synleggjering av jubileet.
• Inngå i den daglege drifta og turnus ved Baroniet Rosendal i sesongen (mai–september).

Kvalifikasjonar

• Relevant høgare utdanning innan kulturleiing, historie, kulturvitskap, prosjektleiing eller tilsvarande.
• Erfaring med prosjektleiing, programutvikling, arrangement eller kulturproduksjon.
• Gode kommunikasjonsevner på norsk og engelsk, både skriftleg og munnleg.
• Evne til å byggja nettverk og samarbeida med ulike fagmiljø.
• Erfaring frå kulturhistoriske institusjonar, museum eller festivalar er ein fordel.

Dette er ei mellombels prosjektstilling i 100 % stilling for perioden 2027–2029. Du vil jobba tett med direktøren og dei tilsette i eit unikt kulturhistorisk miljø i Rosendal.