Operativ leiar veg, anlegg og vedlikehald

Voss herad søkjer ein engasjert og fagleg trygg operativ leiar for veg, anlegg og vedlikehald. Som leiar for vegavdelinga får du ei sentral rolle i å sikre eit trygt og berekraftig kommunalt vegnett for innbyggjarane våre.

Om stillinga

Vegavdelinga har ansvar for drift, vedlikehald og mindre utbyggingsprosjekt på om lag 310 km kommunal veg og over 100 bruer. Avdelinga består av 11 driftsoperatørar og disponerer eiga maskinpark. Som operativ leiar vil du ha personalansvar og koordinere den daglege drifta i tett samarbeid med både interne einingar og eksterne entreprenørar.

Arbeidsoppgåver

• Operativ leiing, planlegging og fordeling av arbeidsoppgåver for driftsoperatørane.
• Oppfølging av brøytekontrakter, asfaltkontrakter og rammeavtalar med entreprenørar.
• Utarbeiding av planar for effektiv drift og vedlikehald i samarbeid med administrativ leiing.
• Koordinering mot innbyggjarar, entreprenørar og andre kommunale einingar.
• Administrativ oppfølging innan FDV, internkontroll, HMS og sakshandsaming av grave- og arbeidsløyve.
• Medverke i planlegging og gjennomføring av mindre anleggsprosjekt.

Vi tilbyr

• Ei sentral leiarrolle med varierte og spennande arbeidsoppgåver.
• Eit fagleg sterkt og inkluderande arbeidsmiljø.
• Gode moglegheiter for fagleg og personleg utvikling.
• Gode pensjons- og forsikringsordningar samt lønn etter avtale.