Konservator/formidlar

Stiftinga Viti søkjer ein engasjert konservator/formidlar i ei 100 % fast stilling med kontorstad ved Sunnmøre museum i Ålesund. Som ein del av fag- og formidlarteamet vil du arbeide med å gjere kulturhistoria på Sunnmøre relevant for dagens publikum gjennom utstillingar, undervisning og digitale flater.

Arbeidsoppgåver

• Formidling til barn, unge og vaksne gjennom omvisingar, arrangement og undervisning.
• Utvikle og produsere nye utstillingar og innhald til digitale plattformer.
• Bidra til forvaltning, dokumentasjon og utvikling av dei kulturhistoriske samlingane.
• Initiere prosjekt og skrive søknader for å hente inn eksterne prosjektmidlar.
• Delta i forskingsarbeid og samarbeide med frivillige, skular og andre partnarar.

Kvalifikasjonar

• Mastergrad innan kulturhistoriske fag som historie, lokalhistorie, kulturarv eller tilsvarande.
• Interesse for nyare kystkultur og museumsfagleg arbeid.
• God skriftleg og munnleg framstillingsevne.
• Erfaring med prosjektarbeid og søknadsskriving er ein fordel.
• Førarkort er ein fordel grunna noko reiseverksemd.

Vi tilbyr

Du får ei meiningsfull stilling i eit sterkt fagmiljø med gode utviklingsmoglegheiter. Viti tilbyr løn etter tariff (Virke), god offentleg tenestepensjon gjennom KLP, fleksitid og fem veker ferie pluss fire ekstra fridagar. Politiattest må leggjast fram før tilsetjing.