Fagleiar, Politisk sekretariat

Klepp kommune søkjer ein engasjert og utviklingsorientert fagleiar til politisk sekretariat. I denne rolla får du ei sentral oppgåve med å styrkja lokaldemokratiet gjennom å vera bindeleddet mellom administrasjonen og dei folkevalde.

Arbeidsoppgåver

Som fagleiar vil du jobba tett med både kommunedirektør, kommunalsjefar, ordførar og politikarar. Arbeidskvardagen er variert og inneber:

• Kvalitetsutvikling og vidareutvikling av fagområdet.
• Saksbehandling og administrering av politiske møte, inkludert for- og etterarbeid.
• Systemansvar for digitale løysingar og rutinar.
• Valansvarleg for kommunen.

Kvalifikasjonar

• Relevant høgare utdanning, fortrinnsvis på mastergradsnivå.
• God forståing for politiske prosessar og samfunnsspørsmål.
• Særs god skriftleg og munnleg framstillingsevne på norsk.
• Gode IT-ferdigheiter og interesse for digitale verktøy, gjerne med kjennskap til Public 360.
• Relevant erfaring frå offentleg sektor vert vektlagt.

Vi tilbyr

Du vert ein del av eit fagmiljø i avdeling for kommunikasjon, politikk og næring, lokalisert i rådhuset på Kleppe. Kommunen tilbyr gode pensjons- og forsikringsordningar, fleksitid og moglegheit for fagleg utvikling. Merk at politisk møteverksemd hovudsakleg skjer på ettermiddag- og kveldstid, noko som medfører kveldsarbeid.