Vil du selje løysingar som energi- og breibandsbransjen faktisk treng?

EndUser AS søkjer ein Business Developer som skal vinne nye kundar og bidra til vidareutvikling av våre programvareløysingar for energi- og breibandsbransjen. Som vår nye salsmedarbeidar får du ei sentral rolle med ansvar for heile salsløpet, frå første kontakt til signert avtale, og du vil jobbe tett med utviklingsmiljøet vårt for å omsetje marknadsinnsikt til nye tenester.

Arbeidsoppgåver

• Identifisere, kvalifisere og vinne nye kundar over heile Noreg.
• Gjennomføre presentasjonar, demoar og forhandlingar.
• Representere selskapet på kundemøte, messer og konferansar.
• Byggje og følgje opp eigen sals-pipeline.
• Drive nye prosjekt frå idé til pilot hjå kunde.
• Bidra med innspel frå marknaden inn i produktutviklinga.

Kvalifikasjonar

• Dokumenterte resultat frå B2B-sal, gjerne innan programvare eller tenester.
• Gode evner innan presentasjon og forhandling, både munnleg og skriftleg.
• Førarkort klasse B og vilje til å reise i jobben.
• Erfaring frå energi- eller breibandsbransjen er ein fordel, men ikkje eit krav.
• Kjennskap til SaaS og abonnementsmodellar vert vektlagt positivt.

Me tilbyr

• God fastløn med provisjonsmoglegheiter.
• Ei sentral rolle med stor fridom til å påverke både sal og produkt.
• Fleksibel arbeidsstad – du treng ikkje bu i Årdal.
• Gode forsikrings-, pensjons- og velferdsordningar, samt profilert bil.
• Moglegheit for etter- og vidareutdanning i eit kompetent fagmiljø.