Ledig 1års vikariat som fysioterapeut

Om stillinga

Austevoll kommune har ledig eit vikariat som fysioterapeut i 100 % stilling frå januar 2027 til desember 2027. Stillinga tilhøyrer Ergoterapi og fysioterapitenesta og arbeidsstadet er på Helsehuset i Storebø. Tenesta har i dag sju tilsette som arbeider med førebygging, behandling og trening for born, vaksne og eldre. Tenesta bistår med tilrettelegging og tilpasning av hjelpemidlar for personar som treng hjelp til å ivareta eller forbetre sin funksjonsevne.

Ansvar og arbeidsoppgåver

Som fysioterapeut vil du hovudsakleg arbeide med barn og unge i alderen 0–16 år, men stillinga omfattar òg oppgåver retta mot eldre. Arbeidet har særleg vekt på førebygging, habilitering, rehabilitering og tilrettelegging. Aktuelle arbeidsoppgåver er:

• Kartlegging, screening, testing og oppfølging av barn og unge.
• Fysioterapeutisk oppfølging og tilrettelegging i barnehage, skule, helsestasjon, heim og ved Helsehuset.
• Planlegging og gjennomføring av trening i basseng.
• Førebyggande arbeid, habilitering og rehabilitering.
• Tverrfagleg samarbeid med andre faggrupper og tenester.
• Arbeid med individuell plan og koordinatoroppgåver.
• Rettleiing og kunnskapsformidling til føresette, andre yrkesgrupper og samarbeidspartnarar.

Kvalifikasjonar

Norsk autorisasjon som fysioterapeut. Erfaring og kompetanse innan born og unge er ein fordel. Førerkort klasse B. Gode norskkunnskapar, både skriftleg og munnleg. Internasjonale gradar må vere godkjent av NOKUT.

Personlege eigenskapar

Likar å arbeide med mennesker. Fagleg engasjert. Har gode samhandlingsevnar. God på relasjonsbygging og evne til å motivere. Ansvarsbevisst, fleksibel, og løysningsorientert. Ha evne til å arbeide sjølvstendig og strukturert. Ha evne til å jobbe tverrfagleg. God systemforståelse, samt ferdigheiter innenfor data- og fagprogrammer.

Vi tilbyr

Moglegheit for fagleg utvikling i eit godt og positivt fagmiljø. Spanande utfordringar og varierte arbeidsdagar. Løn etter kvalifikasjonar. Gode pensjons- og forsikringsordningar. Godt tverrfaglig samarbeid. Helsehus med fine lokaler. Bil i teneste. Mogleg å pende.

Slik søker du på stillinga: Send søknad og CV ved å klikke på knappen merka "Søk stilling" på denne sida. Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar. Ikkje send søknad på e-post til enkeltpersonar i kommunen.