Tannlege ved distriktstannklinikken Harøy

Om stillinga

Vi søker ein fast 100 % tannlege ved distriktstannklinikken Harøy. Stillinga ligg i tettstaden Steinshamn på Harøya, som ligg ytst mot Atlanterhavet i Ålesund kommune. Her får du spektakulære solnedgangar, korte avstandar til fjell og sjø, og rike moglegheiter for friluftsliv – anten du likar padling, fiske, turar langs kysten eller rolege kveldar med havet som bakteppe.

Harøya og Finnøya er endepunktet langs Nordøyvegen, som knytter øyriket til fastlandet. Dette er ein stilling der du kan kombinere eit fagleg arbeid med ein kvardag tett på naturen.

Arbeidsoppgåver

Stillinga omfattar varierte kliniske arbeidsoppgåver med alle pasientgrupper, også vaksne betalande pasientar. Hovudsakeleg arbeid er klinisk virke med odontologiske undersøkingar og behandling. I tillegg er det administrative oppgåver, kontakt med pasientar, pårørande og andre samarbeidspartar.

Kvalifikasjonar

Norsk autorisasjon som tannlege.

God munnleg og skriftleg framstillingsevne på norsk eller anna skandinavisk språk.

Forståing for det helsefaglege samfunnsoppdraget, kvalitetssikring og pasientsikkerheit.

Personlege eigenskapar

Vi ser etter deg som:

• kjenner stoltheit for tannhelsefaget
• trivst med å jobbe med og for menneske
• jobbar effektivt og sjølvstendig
• har god samarbeidsevne, er serviceinnstilt og løysingsorientert
• ønskjer å bidra til eit positivt og utviklande arbeidsmiljø

Vi tilbyr

Ein god jobb der du kan utvikle deg.

Lønn etter avtale.

Oppdatert og fin tannklinikk.

Eit fagleg nettverk med påfyll av kompetanse.

Introduksjonsprogram.

Ein stor og solid organisasjon i ryggen og leiarar som heier på deg.

Gode pensjons- og forsikringsordningar (gjennom KLP).

Etableringstilskot og flyttetilskot.

Den som vil bli tilsett må levere politiattest.