Rådgivar administrasjon og kommunikasjon (engasjement)

Om stillinga

Nynorsk kultursentrum søker ein strukturert og skrivefør administrator som vil arbeide med både administrasjon og kommunikasjon i ein viktig prosjektperiode for organisasjonen. Stillinga er eit engasjement på 100 %, og oppstart er etter avtale.

Arbeidsoppgåver

Stillinga omfattar mellom anna:

• administrativ støtte til leiing og organisasjonen, inkludert personaladministrative oppgåver
• arbeid med økonomi og oppfølging av budsjettkoordinering
• utarbeiding av årsmelding
• planlegging og publisering av innhald på nettsider og i sosiale medium
• medverknad til marknadsføring av arrangement og formidlingstiltak

Du vil samarbeide tett med kollegaer innan administrasjon og kommunikasjon. Avdelinga gjennomfører overordna oppgåver for heile organisasjonen, forvaltar offentlege regelverk og interne rutinar og prosedyrar.

Kvalifikasjonar

Vi ønskjer at du:

• har relevant høgare utdanning innan administrasjon, økonomi, kommunikasjon eller tilsvarande arbeidsområde
• har erfaring frå administrativt arbeid, økonomi og/eller kommunikasjonskriv godt på nynorsk
• har erfaring med digitale verktøy og publiseringsløysingar, gjerne med kjennskap til Adobe

Det er ein fordel med erfaring frå kulturverksemder, offentleg sektor, forskingsinstitusjonar, reiseliv eller andre kunnskapsorganisasjonar.

Personlege eigenskapar

Vi ser etter deg som:

• arbeider sjølvstendig og strukturert, og held orden på detaljane
• er løysingsorientert og samarbeider godt med andre
• kan veksle mellom fleire oppgåver i løpet av ein arbeidsdag
• har god formidlingsevne både skriftleg og munnleg
• har interesse for språk og kultur

Vi tilbyr

Løn etter avtale, med utgangspunkt i lokalt lønssystem. Du får medlemskap i Statens pensjonskasse, avtalefesta pensjon og gruppelivsforsikring. Du kjem til eit inkluderande arbeidsmiljø med engasjerte kollegaer i eit unikt og prislønt Fehn-bygg. Vi har fleksibel arbeidstid og moglegheit for trening i arbeidstida.

Kontakt

Kontaktperson for stillingen: Gaute Øvereng, administrasjonssjef, tlf. 47 33 41 44.