Vil du vere med å forme framtidas digitale tenester for offentleg sektor?

Om stillinga

Vil du vere med å forme framtidas digitale tenester for offentleg sektor? Statsforvalterens fellestjenester (STAF) søker ein UX- og interaksjonsdesignar som vil vere med å skape betre brukaropplevingar, enklare arbeidsprosessar og meir samanhengande digitale tenester for offentleg sektor.

I STAF utviklar vi digitale fellesløysingar for alle dei ti statsforvaltarane i landet. Vi ser etter deg som brenn for brukarsentrert design, som trivst i tverrfaglege team, og som ønskjer å gjere komplekse problem enkle å forstå og bruke.

Dette engasjementet gir deg høve til å arbeide med heile designprosessen, frå innsikt og brukartesting til prototypar og ferdige løysingar. Du vil samarbeide tett med utviklarar, arkitektar, prosjektleiarar og fagressursar, og få høve til å påverke utviklinga av sentrale digitale tenester for offentleg sektor.

Stillinga er eit 12 månaders engasjement. Arbeidsstad er i Bergen eller Leikanger. Arbeidsstad i Oslo kan vurderast.

Arbeidsoppgåver

• Kartleggje og forstå brukarbehov, arbeidsprosessar og informasjonsflyt
• Omforme innsikt til brukarreiser, arbeidsflytar og digitale løysingar
• Lage skisser, wireframes og klikkbare prototypar som grunnlag for utvikling
• Planleggje og gjennomføre brukartesting, intervju og workshopar
• Bidra til vidareutvikling av designsystem, designprinsipp og arbeidsmetodar
• Identifisere felles behov og sikre samanheng på tvers av tenester og fagområder
• Sikre at løysingane er universelt utforma og tilgjengelege for alle
• Samarbeide tett med utviklarar, arkitektar, prosjektleiarar og fagressursar gjennom heile utviklingsløpet

Kvalifikasjonar

Du har erfaring med å utvikle digitale tenester basert på brukarane sine behov og trivst i skjæringspunktet mellom menneske, teknologi og forretning.

Du må ha:

• Minimum treårig høgare utdanning innan relevant fagområde
• Lang og relevant erfaring kan kompensere for delar av utdanningskravet
• Erfaring som UX/interaksjonsdesignar
• God kjennskap til brukersentrerte metoder, designprosesser og -verktøy
• Kunnskap om universell utforming (WCAG)
• SVært gode skriftlege og munnlege norskkunnskapar

Det er ein fordel om du òg har:

• Dokumentert fagleg oppdatering, vidareutdanning eller sertifiseringar innan UX/design
• Ei portefølje som viser arbeid med brukarsentrert design
• Erfaring med Figma eller tilsvarande verktøy
• Erfaring frå smidige utviklingsprosessar
• God teknologiforståing
• Kunnskap om offentleg forvaltning

Vi søker deg som

• Trivst med samarbeid og kommuniserer godt med ulike fagmiljø
• Evner å setje deg raskt inn i komplekse problemstillingar og sjå samanhengar
• Arbeider strukturert, sjølvstendig og løysingsorientert
• Tek initiativ og bidreg til framdrift
• Trivst i ein kvardag der ikkje alle svara er gitte på førehand

Vi tilbyr

• Moglegheit til å arbeide med viktige samfunnsoppgåver som gjer ein forskjell for menneske
• Interessante og utfordrande arbeidsoppgåver, med gode moglegheiter for fagleg utvikling og jamleg kompetanseheving
• Eit arbeidsmiljø der vi deler kompetanse og finn gode løysingar saman
• Ein trygg og stabil arbeidsgivar, med fleksibel arbeidstid og sommartid
• Moglegheit for delvis heimekontor
• Trening i arbeidstida
• Medlemskap i Statens pensjonskasse (SPK), med ei av dei beste pensjons- og forsikringsordningane i landet og gunstige bustadlån
• Inkluderande arbeidsplass

Det er seks månaders prøvetid. Løn frå 692 400 til 880 000 kroner, avhengig av kvalifikasjonar. For særleg godt kvalifiserte søkjarar kan høgare løn vurderast. Frå lønna blir det trekt 2 prosent innskot til Statens pensjonskasse.

Søknad

Søk på stillinga og last opp vitnemål og attestar. Vi ber deg hente vitnemål frå Vitnemålsportalen. Har du utdanning frå utlandet, må du leggje ved godkjenning frå NOKUT eller Direktoratet for høgare utdanning og kompetanse (HK-dir).

Dersom du har spørsmål, kan du kontakte Elin Ljones på telefon 47835754.