Mellombels stilling som universitetslektor i russisk

Mellombels stilling som universitetslektor i russisk

Velkomen til ei mellombels stilling som universitetslektor i russisk (15 prosent) ved Institutt for framandspråk frå 1. januar til 30. juni 2027. Instituttet har rundt seksti faste tilsette, kring tjue ph.d.-stipendiatar og postdoktorar, elleve administrativt tilsette og mellombels tilsette i kortvarige engasjement. Russiskfaget har tre faste stillingar med ansvar for undervisning og forsking innanfor ulike faglege disiplinar, og gjev undervisning og rettleiing på bachelor-, master- og ph.d.-nivå.

Arbeidsoppgåver:

Undervisninga vil i hovudsak omfatta forelesingar og seminar i russisk litteratur, historie og kultur på bachelornivå. Dersom den som blir tilsett, er kvalifisert til det, kan det òg bli aktuelt å undervise i språklege emne. Arbeidsoppgåvene vil inkludere førebuing og gjennomføring av ulike typar undervisning, retting av obligatoriske oppgåver, eksamensarbeid, eventuell rettleiing, og administrativ oppfølging og koordinering. Undervisningsspråka er russisk og norsk, og administrasjonsspråket ved instituttet er norsk.

Kvalifikasjonar og personlege eigenskapar:

Søkjaren må ha norsk mastergrad eller tilsvarande utanlandsk grad i russisk, og helst russisk litteratur. Det er ein føremon, men ikkje eit krav, at søkjaren har gjennomført innføringskurs i universitetspedagogikk, praktisk-pedagogisk utdanning, eller har erfaring frå undervisning på universitets- og høgskulenivå. Søkjaren må ha svært høgt språkleg nivå i russisk, og høgt språkleg nivå i norsk eller eit anna skandinavisk språk. Personlege eigenskapar blir vektlagde i vurderinga, særleg evna til å kombinere sjølvstendig arbeid med godt samarbeid og til å engasjere studentar i læringsprosessen.

Hos oss får du

• Eit godt og fagleg utfordrande arbeidsmiljø.
• Høve til å byggje sterke faglege nettverk.
• Ein arbeidsstad i hjartet av Bergen - nær både byliv og natur.
• Ein trygg og fleksibel arbeidskvardag med gode velferdsordningar.
• Brutto årsløn som svarar til kr 653 000–693 000 i full stilling (kode 1009). For særskilt kvalifiserte søkjarar kan det vurderast høgare løn. Vidare lønsopprykk etter ansiennitet i stillinga.

Slik søkjer du stillinga

Søknaden skal sendast elektronisk og innan fristen via lenkja "SØK STILLINGA" på denne sida. Følg stega i søknadsprosessen og legg inn følgjande: under «Søknadstekst»: skriv ei kort utgreiing om motivasjonen din for å søkje stillinga. Under «CV»: opplys om personalia, erfaringar og kvalifikasjonar, publikasjonar, språkferdigheiter og minst tre referansepersonar. Under «Vedlegg»: last opp dokumentasjon av pedagogiske kvalifikasjonar, vitnemål, eventuelle evalueringsrapportar, og liste over vitskaplege publikasjonar. Søknad og vedlegg må vere på norsk, eit anna skandinavisk språk eller engelsk. Dokumentasjon på andre språk må følgjast av attestert omsetjing.

Kontakt

• Martin Paulsen, Instituttleiar, +4755582386, m.paulsen@uib.no
• Brita Lotsberg Bryn, Fagkoordinator, +4755582991, brita.bryn@uib.no