Embete som domstolleiar ved Sunnmøre tingrett

Embete som domstolleiar ved Sunnmøre tingrett

God i både leiing og juss?

Dersom ditt faglege engasjement spenner over både leiing og juss, kan rolla som domstolleiar vere interessant for deg. Noregs domstolar er samfunnets fremste konfliktløysar. Vi skal sikre og fremje rettstryggleiken og verne om rettssamfunnet. Uavhengigheit og tillit er føresetnader for dette.

Domstolane skal vere brukar- og utviklingsorienterte. Vi arbeider difor med forbetring av arbeidsprosessar, der KI og andre digitale verktøy spelar ei sentral rolle. Du vil kome til å ha ei pådrivarrolle i dette arbeidet. Ei viktig leiaroppgåve er å skape gode relasjonar og utvikle sterke fagmiljø og eit arbeidsmiljø som tiltrekkjer seg dyktige og engasjerte medarbeidarar.

Det blir ledig embete som domstolleiar ved Sunnmøre tingrett. Tiltreding etter nærare avtale.

Arbeidsoppgåver

Dei viktigaste arbeidsoppgåvene dine vil vere:

• styring og ansvar for mål og resultat
• ansvar for den dømmande verksemda og saksbehandlinga
• å leie, motivere og inspirere medarbeidarane i domstolen
• å bidra til felles kultur i eigen domstol og for Noregs domstolar
• å planleggje for optimal bruk av ressursane til domstolen for å sikre effektiv saksavvikling
• å leggje til rette for gode fagmiljø og for at medarbeidarane i domstolen har den riktige kompetansen
• å vere utviklingsorientert og halde deg oppdatert innan leiarfaget
• å vere dommar og administrere eigne saker

Kvalifikasjonar

For å bli domstolleiar må du ha følgjande kompetanse:

• juridisk embetseksamen/cand.jur. eller master i rettsvitskap
• leiarkompetanse, interesse for og/eller at du eignar deg for å leie
• god munnleg og skriftleg framstillingsevne
• kjennskap til lover og avtaleverk for arbeidsgjevarar i offentleg verksemd
• kunnskap om økonomistyring
• evne til å sjå moglegheitene digitale verktøy gjev for å effektivisere arbeidsprosessar

Du må vere norsk statsborgar. Det krevst uttømmande politiattest dersom du blir innstilt.

Personlege eigenskapar

Det er viktig at du kjenner deg att i fleire av følgjande eigenskapar:

• Du skapar tillit og er tydeleg. Samstundes har du stor respekt for kompetansen og erfaringa til medarbeidarane dine.
• Du er samarbeidsorientert og forstår kor viktig det er å involvere og motivere medarbeidarane i utviklinga av domstolen.
• Du må ha god gjennomføringsevne og evne til å ta avgjerder.
• Du har brei yrkes- og livserfaring, noko du vil få bruk for i dei mange ulike sakene du vil handtere og i møte med menneske.

Det vil bli lagt vekt på om du er personleg eigna for embetet.

Mangfald i Noregs domstolar

Det er viktig at dei tilsette i norske domstolar representerer eit godt mangfald med ulik bakgrunn og erfaring. Vi har i dag eit rikt og fleirkulturelt samfunn. Noregs domstolar ønskjer difor å rekruttere fleire dommarar med fleirkulturell bakgrunn og erfaring. Dette vil gje domstolane viktig kunnskap i utføringa av samfunnsoppdraget.

Mangfald er ein styrke, og vi vil leggje til rette for tilsette med ulike behov.

Kontakt

• Unni Sandbukt, leder, Innstillingsrådet for dommere, +(47) 91 10 55 53, unni.sandbukt@domstol.no
• Kirsti Høegh Bjørneset, sorenskriver, +(47) 70 33 47 02, Kirsti.Hoegh.Bjorneset@domstol.no