Beredskapskoordinator

Om stillinga

Luster kommune søker ein beredskapskoordinator for å styrkje samfunnstryggleiken og beredskapen i kommunen. Stillinga er ei fast 100% stilling som skal bidra til at kommunen er betre førebudd på uønska hendingar og kan oppretthalde viktige funksjonar i kritiske situasjonar.

Luster er ein stor kommune med fjord, fjell, brear og spreidd busetnad. Naturfare, vêrhendingar og sårbar infrastruktur er viktige tema i beredskapsarbeidet vårt. Samstundes gjer eit meir alvorleg internasjonalt trusselbilete og aukande digitale truslar at kommunen må vere førebudd på fleire typar hendingar.

Arbeidsoppgåver

• Samordne og drive fram kommunen sitt arbeid med samfunnstryggleik og beredskap.
• Støtte leiarane og tenestene i deira beredskapsansvar og bidra til at planverk, rutinar og øvingar fungerer i praksis.
• Leie arbeidet med heilskapleg risiko- og sårbarheitsanalyse og følgje opp tiltak.
• Oppdatere og sikre samanheng med planane i tenestene.
• Planleggje og gjennomføre øvingar, opplæring og evalueringar.
• Følgje opp læringspunkt etter hendingar og øvingar.
• Støtte og bidra til kommunen si kriseleiing ved førebuing og handtering av hendingar.
• Leggje til rette for arbeidet i kommunen sitt beredskapsråd.
• Vere kontaktpunkt mot Statsforvaltaren og delta i det regionale beredskapssamarbeidet i Sogn.
• Utvikle samarbeidet med naudetatane, frivillige organisasjonar og andre relevante aktørar.
• Bidra til god informasjon om eigenberedskap og førebyggjande tiltak til innbyggjarane.
• Førebu saker og avgjerdsgrunnlag for administrativ og politisk leiing.
• Samarbeide med kommunen sitt IKT-miljø og andre relevante aktørar om beredskap ved digitale hendingar.
• Koordinere arbeidet med kontinuitetsplanlegging, slik at kommunen kan oppretthalde viktige tenester ved langvarige avbrot.

Kvalifikasjonar

• Relevant høgare utdanning, til dømes innan samfunnstryggleik og beredskap, offentleg forvaltning eller tekniske fag.
• Kunnskap om risiko- og sårbarheitsanalysar, beredskapsplanlegging og krisehandtering.
• God skriftleg og munnleg framstillingsevne på norsk.
• God digital kompetanse.
• Førarkort klasse B.

Personlege eigenskapar

Du arbeider strukturert og sjølvstendig, og evnar å omsetje overordna krav og mål til konkrete oppgåver. Du tek initiativ, følgjer opp det som er avtalt og får arbeidet framover i samarbeid med andre. Du må kunne byggje tillit på tvers av fagområde og organisasjonar, formidle tydeleg og halde oversikt i krevjande situasjonar. Me legg stor vekt på at du er personleg eigna for stillinga.

Vi tilbyr

• Ei nyoppretta stilling med høve til å forme og utvikle beredskapsarbeidet i kommunen.
• Varierte og meiningsfulle oppgåver med stor verdi for lokalsamfunnet.
• Tett samarbeid med kommuneleiinga og engasjerte fagmiljø.
• Deltaking i eit regionalt beredskapsnettverk.
• Høve til fagleg utvikling.
• Løn etter avtale/gjeldande tariffavtale.
• Offentleg pensjonsordning og gode forsikringsordningar.

Søknad

Søknadar må leverast innan fristen og må sendast inn via rekrutteringssystemet vårt EasyCruit. Link til søknadsskjema:

Kontakt

Kontaktperson for stillingen: Ole Gunnar Krakhellen, telefon: +47 92648081, e-post: ole.gunnar.krakhellen@luster.kommune.no.