Ledig stilling som konservator/formidlar natur og kulturlandskap

Om stillinga

Stiftinga Viti søker ein engasjert konservator/formidlar som skal arbeide med natur, kulturlandskap, kulturarv og formidling. Stillinga er knytt til Brudavolltunet i Ørsta og Naturmuseet i Sykkylven, med delt kontorstad mellom Volda/Ørsta og Sykkylven. Den tilsette vil ha ei sentral rolle i arbeidet med å utvikle og forvalte kulturlandskapet på Brudavolltunet, og samstundes bidra til formidling, kunnskapsutvikling og samlingsforvaltning. Stillinga er kopla saman med fagansvaret for Naturmuseet i Sykkylven, med utstillingar, samlingar og formidling om natur på Sunnmøre.

Arbeidsoppgåver

• Fagansvar for kulturlandskap og natursamlingar i Viti, med særleg ansvar for Brudavolltunet og Naturmuseet.
• Utvikle og gjennomføre formidlingstilbod for barn og unge på Brudavolltunet, Sivert Aarflotmuseet og Naturmuseet.
• Planleggje og gjennomføre arrangement, publikumsaktivitetar og utstillingsprosjekt på Brudavolltunet, Sivert Aarflot og særleg på Søre Sunnmøre.
• Planleggje og gjennomføre arrangement, publikumsaktivitetar og utstillingsprosjekt på Naturmuseet i Sykkylven.
• Leggje til rette for medverknad og dialog med frivillige og publikum.
• Byggje og vedlikehalde faglege nettverk innan kulturlandskap og naturhistoriske museum.
• Arbeide med samlingar og dokumentasjon, særleg knytt til Brudavolltunet og Naturmuseet i Sykkylven.
• Bidra til kunnskapsproduksjon gjennom utstillingar, årbøker, artiklar, nettsider og sosiale medium.
• Delta i aktuelle utviklings- og forskingsprosjekt.

Kvalifikasjonar

• Mastergrad eller tilsvarande innan naturforvaltning, kulturlandskap, naturmangfald, agronomi, biologi, historie eller tilsvarande relevante fagområde.
• Erfaring frå formidling, kulturarvsarbeid, naturforvaltning, skjøtsel eller museumsarbeid.
• Interesse for forsking og kunnskapsproduksjon.
• Erfaring med, og engasjement for, formidling og arbeid med barn og unge.
• Interesse for frivillig arbeid og samskaping.
• God digital kompetanse.

Personlege eigenskapar

• Er initiativrik, framoverlent og idérik.
• Har god gjennomføringsevne og trivs både med sjølvstendig arbeid og samarbeid.
• Er strukturert, effektiv og ryddig.
• Kan handtere fleire prosjekt og prosessar samstundes.
• Har gode kommunikasjons- og samarbeidsevner.
• Meistrar norsk og engelsk, både skriftleg og munnleg. Nynorsk er arbeidsspråket i Viti.
• Har førarkort og tilgang på bil.

Vi tilbyr

• Ei spennande og meiningsfull stilling i eit stort museum.
• Fagleg dedikerte kolleger.
• Gode faglege og personlege utviklingsmoglegheiter.
• 100% fast stilling, 37,5 timar i veka inkl. Spisepause.
• God offentleg tenestepensjon gjennom KLP.
• Fleksitid, med kjernetid mellom kl 1000-1400.
• Fem veker ferie og fire ekstra feriedagar.

Søknad

Søknadsfrist er 10. desember 2026. Aktuelle kandidatar kan verte kalla inn til intervju og vi ynskjer då referansar, vitnemål og attestar.

Kontakt

Stillinga ligg i Kulturhistorisk avdeling, og rapporterer til seksjonleiar for samling og bevaring.