Automasjonsingeniør

Om stillinga

I Statens vegvesen står vi midt i ei teknologisk utvikling, kor vi byggjer og driftar avanserte styringssystem som gjer vegnettet smartare og meir effektivt. No ser vi etter deg som har lyst til å bidra til dette viktige arbeidet, som automasjonsingeniør!

Med eit høgt trafikkert hovudvegnett og eit stadig aukande tal tunnelar, har vi i seksjon Drift midt fokus retta mot ei sikker avvikling av trafikken. Dette blir mellom anna løyst gjennom avanserte styrings- og overvakingssystem, basert på ein god elektroinfrastruktur langs vegnettet.

Statens vegvesen har ansvar for å planleggje, prosjektere, setje i verk og drifte både infrastrukturen og systema. Hos oss får du med andre ord jobbe med mange spennande oppgåver innan automasjon!

Kontorstad for stillinga vil fortrinnsvis vere i Ålesund, Ørsta eller Molde. Kontorstad Trondheim kan vurderast.

Arbeidsoppgåver

• Drift og vedlikehald av automasjonstekniske installasjonar langs veg og i tunnel
• Oppfølging av entreprenørar og vedlikehaldsprosjekt i ulike storleikar
• Være fagleg ressursperson innan automasjon, inkludert arbeid og oppfølging av PLS og overvakingssystem (SCADA)
• Drifte PLS-system, serverar og OT-nettverk
• Forvalte og drifte fibernettverk
• Følgje opp tryggingssystem i tunnelar og foreslå utbetringar/oppgraderingar av utstyr
• Bistå entreprenørar og interne med feilsøking ved teknisk feil
• Saksbehandling av ulike saker knytte til entreprenørane
• Sikre etterleving av gjeldande elektroforskrifter, E-kom, interne handbøker og prosedyrar
• Moglegheit for byggjeleiaransvar for den rette kandidaten

Arbeidet skjer i samarbeid med dyktige kollegaer og prosjektleiarar, og du vil ha høve til å påverke val av tekniske løysingar innan faget.

Kvalifikasjonar

• Ingeniørutdanning frå høgskule/universitet eller teknisk fagskule med relevante fagkombinasjonar i elektro eller automasjon. Omfattande og relevant erfaring kan kompensere for manglande formell utdanning
• Fagbrev innan elektrofag
• Førarkort kl. B
• Gode ferdigheiter i bruk av digitale verktøy
• Kunnskap om elektronisk kommunikasjon (E-kom) og OT-fibernettverk
• God munnleg og skriftleg framstillingsevne på norsk

Personlege eigenskapar

• Gode samarbeidsevner
• Kunnskap om elektro- og/eller automasjonsløysingar for veg- og tunnelanlegg
• Erfaring frå industriell automatisering
• Erfaring med SCADA-system
• Erfaring med bruk av FDV-system

Vi tilbyr

• Fleksitid og avspasering
• God pensjonsordning og lån
• Trening i arbeidstida eller støtte til treningsaktivitetar
• Fagleg påfyll og vidareutdanning

Søknad

Vi har gjort det enklare for deg! I staden for eit tradisjonelt søknadsbrev, ber vi deg svare på nokre relevante spørsmål. Hugs å fyll ut felta for "Utdannelse" og "Arbeidserfaring", og last opp vitnemåla dine og eventuelle attestar. Dette hjelper oss med å få eit godt bilete av bakgrunnen og kvalifikasjonane dine.

For å sikre at vi finn den beste kandidaten, kan vi bruke arbeidspsykologiske testar som ein del av rekrutteringsprosessen vår. Testane gir verdifull innsikt i eigenskapane og ferdigheitene dine, og bidreg til ei rettferdig og objektiv vurdering.

Som ein del av rekrutteringsprosessen gjennomfører vi bakgrunnssjekk i samarbeid med ein ekstern leverandør. Bakgrunnssjekk skjer alltid med samtykket på kandidaten, og tilsetjing føreset godkjend bakgrunnssjekk.

Vi verdset mangfald og ønskjer å skape ein inkluderande arbeidsplass. Vi oppmodar alle kvalifiserte kandidatar til å søkje. Om du har ei funksjonsnedsetjing, hol i CV-en eller innvandrarbakgrunn, vil du få moglegheit for positiv særbehandling.

Søkjarlista er offentleg. Dersom du ønskjer å reservere deg frå oppføring på offentleg søkjarliste, må du grunngi dette. Vi tek kontakt med deg dersom vi ikkje kan komme ønsket ditt i møte.