Fagarbeidar eller assistent i barnehage - i inntil 100% mellombels stilling med snartleg oppstart 

Om stillinga

Gulen kommune søker ein fagarbeidar eller assistent i barnehage i ein mellombels stilling i inntil 100 % med snartleg oppstart. Stillinga er knytt til Dalsøyra barnehage, som er ein del av eininga Dalsøyra barnehage og skule.

Vil du vere med og skape ein trygg, leiken og meiningsfull kvardag for barna våre? I Gulen kommune står omsorg, leik, læring og gode relasjonar i sentrum for barnehagekvardagen. Vi søker ein engasjert og varm medarbeidar som vil bidra til å gi barna ein trygg start, gode opplevingar og høve til å utvikle seg.

Vi ønskjer primært ein barne- og ungdomsarbeidar eller nokon med tilsvarande utdanning, men oppmodar òg søkjarar utan fagbrev til å søkje.

Arbeidsoppgåver

• Medverke til at barnehagen er ei god pedagogisk verksemd
• Medansvar for tilsyn, omsorg og pedagogisk arbeid med barna
• Delta i planlegging, rettleiing, gjennomføring, evaluering og vurdering i verksemda
• Nokre av fagarbeidarstillingane i eininga er knytt til arbeid med enkeltborn
• Andre arbeidsoppgåver som måtte kome til

Kvalifikasjonar

• Fagbrev som barne- og ungdomsarbeidar eller tilsvarande kompetanse
• Dersom det ikkje melder seg kvalifiserte søkjarar med fagbrev/tilsvarande kompetanse, kan andre søkjarar verte vurderte
• Erfaring frå arbeid i barnehage eller anna arbeid med barn er ynskjeleg
• Evne til å arbeide i tråd med barnehagen sitt samfunnsoppdrag og verdigrunnlag
• Grunnleggjande digital kompetanse
• Gode norskkunnskapar - både munnleg og skriftleg

Det vert stilt krav om tilfredsstillande politiattest før oppstart i stilling.

Vi tilbyr

• Eit sterkt fokus på fagleg utvikling, kor idear og innspel frå både nyutdanna og erfarne medarbeidarar vert verdsett
• Små og oversiktlege barnehagar som gir nærleik, gode relasjonar og ein trygg start for deg som er ny i yrket
• Eit godt, varmt og inkluderande arbeidsmiljø
• Rettleiing og støtte som del av arbeidskvardagen
• Eit godt fagleg nettverk og tett samarbeid mellom barnehagane i kommunen

Søknad

Søkjarar kan kontakte Anne Marit Brekken Oppedal, Avdelingsleiar Dalsøyra barnehage ved eining Dalsøyra barnehage og skule, +4799247119, anne.marit.oppedal@gulen.kommune.no, eller Solveig Kristine Haveland, Einingsleiar Dalsøyra barnehage og skule, +4747632338, solveig.kristine.haveland@gulen.kommune.no.