Avdelingsleiar for avdeling Informasjonsteknologi og -tenester

Avdelingsleiar for avdeling Informasjonsteknologi og -tenester

Høgskulen på Vestlandet søker ein engasjert avdelingsleiar med stor motivasjon for å vidareutvikle avdelinga og ta ei sentral rolle i HVL sitt arbeid med digitalisering og kunstig intelligens. Avdelinga har i dag over 50 fast tilsette og 14 lærlingar, og er i vekst.

Avdelingsleiar er leiarstilling på nivå 3, i linja til Organisasjonsdirektør, og vil vere næraste overordna til fire einingsleiarar på nivå 4. Avdelinga har fire einingar: IT Brukarretta tenester, IT System og infrastruktur, IT Informasjonsforvaltning og -sikkerheit, og IT Digital tenesteutvikling.

Avdelinga er det sentrale faglege miljøet for utvikling og drift av digitale tenester og digital infrastruktur i HVL. Avdelingsleiar har eit heilskapleg ansvar for tenesteområda lagt til avdelinga, og utviklinga av avdelinga. Tenestene skal støtte forsking, undervisning og innovasjon, og avdelingsleiar skal ivareta ekstern kontakt med nasjonale tenesteleverandørar og samarbeidspartnarar regionalt, nasjonalt og internasjonalt.

Avdelingsleiar har ei sentral rolle i arbeidet med å realisere HVL sin ambisjon om klok digitalisering. Det inneber å sikre moderne, trygge og effektive digitale tenester for heile samfunnsoppdraget, og å ta initiativ til, delta i eller rådgje om institusjonelle investeringar i digitalisering og kunstig intelligens.

Arbeidsoppgåver

Avdelingsleiar har særleg ansvaret for:

• Å utnytte kapasiteten i avdelinga i einingane for heilskapleg tenesteutvikling.
• Balansert tilsetterekruttering og bemanningsplanlegging i avdelinga.
• Kompetanseutvikling for medarbeidarane i avdelinga.
• Arbeidsmiljø og HMS i avdelinga.
• Tilrettelegging for medverknad og medarbeidarinvolvering.
• Budsjettdisponering og økonomistyring i avdelinga.

Mynde

Mynde i avdelingsleiarstillinga er delegert frå Organisasjonsdirektør, og avdelingsleiar rapporterer til organisasjonsdirektør.

Kvalifikasjonar

Formelle kvalifikasjonar

• Høgare utdanning minimum på masternivå med relevans for stillinga.
• Leiarerfaring med dokumenterte resultat frå å leie områda som ligg til stillinga.
• Innsikt i korleis digitale system og kunstig intelligens påverkar forsking, utdanning og innovasjon.
• Erfaring med å leie endrings- og omstillingsarbeid.
• God munnleg og skriftleg framstillingsevne på norsk og engelsk.
• Du må kunne sikkerheitsklarerast på høgt nivå.

Personlege eigenskapar

• Gode grunnleggande leiareigenskapar.
• Motiverande og inkluderande leiarframferd, med vekt på samarbeid og medverknad.
• Godt utvikla evner til:
  • strategisk tenking og heilskapleg perspektiv
  • kommunikasjon og samhandling
  • å bygge tillit og skape gode relasjonar, internt og eksternt
• Gjennomføringskraft.
• Løysingsorientert.
• Utviklingsorientert.
• Resultatorientert.

Søknad

Send søknad og CV ved å klikke på knappen merka „Søk stilling“ på denne sida. Det er søkjar sitt ansvar å sørgje for at alle relevante vedlegg er lagt inn innan fristen, som attest og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master- eller ph.d.-grad. Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.

Kontakt

• Tage Båtsvik, Organisasjonsdirektør, +47 53 49 14 05, tage.batsvik@hvl.no