Ledig 100% fast stilling som brannforebygger

Om stillinga

Austevoll kommune har ledig 100 % fast stilling som brannforebygger/feiar. Den som blir tilsett, vil ha kontorplass ved Austevoll brannstasjon, som husar både brannvesenet og kommunen si avdeling for drift og vedlikehald.

Som brannforebygger/feiar får du ei viktig rolle i det forebyggande brannvernarbeidet og vil vere ein sentral kontaktperson for innbyggarane våre. Arbeidsoppgåvene omfattar systematisk tilsyn med fyringsanlegg i bustader og fritidsbustader, i tillegg til behovsprøvd feiing.

Arbeidskvardagen er variert og sjølvstendig, med oppdrag i heile kommunen. Du vil nytte både bil og båt for å kome fram til innbyggarane ved behov. Det er ønskelig at den som blir tilsett vil kunne på sikt inngå som brannkostabel i beredskapsstyrken.

Arbeidsoppgåver

• Gjennomføre risikobasert feiing og tilsyn av fyringsanlegg
• Bruk av IT-systemet Komtek
• Ansvar for køyretøy og materiell i eininga
• Sakshandsaming før og etter gjennomført feiing og tilsyn
• Delta i informasjonsarbeid internt og eksternt
• Etterleve verksemda sitt HMT system

Kvalifikasjonar

• Fagbrev/fagskule/svennebrev som brannforebygger/feiar. Søkarar med andre relevante fagbrev innan bygg- eller tekniske fag, eller med lang relevant realkompetanse, kan òg bli vurderte. Det er då ein føresetnad at vedkomande forpliktar seg til å gjennomføre nødvendig etterutdanning
• Krav til førarkort minimum klasse B
• Gode norsk kunnskapar både munnleg og skriftleg
• Relevant praksis frå fagfeltet eller andre fagbrev er ønskeleg
• Gode datakunnskapar

Personlege eigenskapar

• Interesse for faget
• Gode samarbeidsevnar
• Evne til å arbeide sjølvstendig og i team
• Gode kommunikasjonsevnar
• Søkar må vere personleg eigna til stillinga. Vi søker deg som kan vere ein god omdømmebyggar for faget og for kommunen som tenesteleverandør

Vi tilbyr

• Moglegheit for fagleg utvikling i eit godt og positivt fagmiljø
• Spanande utfordringar
• Løn etter kvalifikasjonar
• Gode pensjons- og forsikringsordningar

Søknad

Send søknad og CV ved å klikke på knappen merka "Søk stilling" på denne sida. Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Kontakt

Hans Petter Bjånesøy, brannsjef
+4797119444
hans.bjanesoy@austevoll.kommune.no