Informasjonssikkerheitsleiar

Om stillinga

Universitetet i Bergen søker ein Informasjonssikkerheitsleiar til fast stilling på 100 %.

Arbeidsoppgåver

• Leie arbeidet med informasjonssikkerheit inkludert IT-sikkerheit ved UiB og vere IT-direktørens rådgivar
• Leie gruppa for informasjonssikkerheit og personvern (8 tilsette inkludert leiar)
• Følgje opp informasjonssikkerheit i samsvar med lovar, reglar, retningslinjer, beskyttelse av system, infrastruktur og data, deteksjon av hendingar og oppfølging av desse
• Se til at UiBs arbeid med informasjonssikkerheit er i samsvar med «beste praksis», NSMs «Grunnprinsipper for IKT-sikkerhet» og ISO 27001
• Utarbeide rutinar, reglement og planar innanfor sikkerheitsområdet
• Skapa gode haldningar og syta for kompetanseutvikling innanfor IT-sikkerheit
• Den som blir tilsett kan få andre arbeidsoppgåver innan avdelinga sine arbeidsområde

Kvalifikasjonar

• Søkjar må ha mastergrad innan relevant fagområde. Lang og relevant praksis kombinert med relevant etter- og vidareutdanning kan i nokre tilfelle kompensere for kravet om utdanning
• Relevant erfaring frå leiing eller erfaring frå koordinering av faglege team
• Kompetanse innanfor informasjonsteknologi og personvern, samt brei kjennskap og forståing til heile fagområdet
• Kjennskap til lovverk og forskrifter innan informasjonssikkerheit
• God skriftleg og munnleg framstillings- og kommunikasjonsevne på norsk og engelsk
• Erfaring med å handsame hendingar innan IT-sikkerheit og å delta i beredskapsarbeid vil vere ein fordel
• Erfaring frå eller god forståing av universitets og høgskulesektoren vil vere ein fordel

Personlege eigenskapar

• Serviceinnstilt og opptatt av å finne løysingar
• Påliteleg og har integritet med tanke på å handtere fortruleg informasjon
• Sjølvstendig, strukturert og med høg arbeidskapasitet og gjennomføringsevne
• Nysgjerrig og med evne til å tileigne seg nødvendig kompetanse
• Evne til å samarbeide og dele kunnskap

Vi tilbyr

• Eit godt og fagleg utfordrande arbeidsmiljø
• Ein kunnskapsrik og engasjert organisasjon med deltaking i mange spennande aktivitetar
• Stilling som seniorrådgjevar (kode 1364) i årsløn kr. 850 000 – 1 050 000 i det statlege lønsregulativet
• Medlemskap i Statens pensjonskasse
• Moglegheit for avtale om delvis heimekontor
• Gode velferdsordningar

Søknad

Søk i dag. Opplysningar om stillinga kan ein få ved å vende seg til seksjonsleiar Jan Kristian Walde Johnsen (jan.johnsen@uib.no, tlf: 91715378) eller IT-direktør Tore Burheim (tore.burheim@uib.no, tlf: 915 83 860).